Senat tóraǵasy máslıhat depýtattarymen jáne Qazaqstan halqy Assambleıasynyń óńirdegi ókilderimen júzdesýde 15 naýryz kúni referendýmda el bolashaǵyna qatysty mańyzdy sheshim qabyldanatynyn atap ótti. Ol konstıtýsııalyq reforma eldiń ornyqty damýy, demokratııalyq qaǵıdattardy nyǵaıtý jáne saıası júıeni keshendi jańǵyrtý jolyndaǵy strategııalyq ári tarıhı qadam ekenine basa mán berdi. Sondaı-aq usynylyp otyrǵan ózgerister Memleket basshysy bastamashy bolǵan jańǵyrtýlardyń dáıekti jalǵasy ekeni aıtyldy. Palata spıkeri bul irgeli reformalar zamanaýı ári tıimdi memlekettik basqarý úlgisin qalyptastyrýǵa jáne bılik ınstıtýttaryn júıeli túrde transformasııalaýǵa arnalǵanyna da toqtalyp ótti.
«Jańa Konstıtýsııa jobasyna baılanysty respýblıkalyq referendým – Prezıdentimiz Qasym-Jomart Toqaevtyń eldi aýqymdy ári júıeli jańǵyrtý baǵdaryn iske asyrý jolyndaǵy tarıhı kezeń. Elimizdiń bolashaǵyna qatysty mańyzdy sheshimderdi azamattardyń tańdaýyna súıene otyryp qabyldaý demokratııa qaǵıdattaryna adaldyqtyń aıqyn kórinisi ekeni anyq. Konstıtýsııalyq reformanyń basym mindeti – Táýelsizdikti nyǵaıtý jáne azamattardyń ál-aýqatyn arttyrý. Osyǵan baılanysty jańa Konstıtýsııa jobasynda zań ústemdigi men quqyqtyq tártipti kúsheıtýge, azamattardyń quqyqtary men múddelerin qorǵaýǵa, sondaı-aq eldiń ornyqty damýyna basymdyq berilgen», dedi M.Áshimbaev.
Sonymen qatar Senat tóraǵasy jahandyq syn-qaterler men halyqaralyq turaqsyzdyq beleń alǵan qazirgi kezeńde memlekettiń quqyqtyq negizderin jańǵyrtýdyń mańyzy arta túskenine nazar aýdardy. Mundaı qadam Qazaqstannyń álemdik úrdisterge beıimdelýine jáne quqyqtyq júıesin júıeli túrde nyǵaıtýyna múmkindik beredi.
Konstıtýsııa jobasynda eldiń odan ári damýynyń negizgi baǵdarlary da naqty aıqyndalǵan. Atap aıtqanda, adam kapıtalyn damytý, memlekettilikti, Táýelsizdik pen egemendikti nyǵaıtý, ishki saıası turaqtylyq pen qoǵamdyq kelisimdi saqtaý basty basymdyq retinde belgilenip otyr.
«Jańa Konstıtýsııanyń basty ereksheligi onyń adamǵa baǵdarlanýy ekenin aıryqsha atap ótken jón. Azamattardyń quqyqtary men múddelerine nazar aýdarý memlekettik saıasattyń ózegine aınalyp otyr. Ata Zań jobasynda adam quqyqtary deklaratıvti ereje emes, mańyzdy qaǵıdattar jáne naqty mindetter retinde qarastyrylǵan. Bul – sapaly bilimge qoljetimdilik, tıimdi densaýlyq saqtaý júıesi, áleýmettik qorǵaý jáne ár azamattyń óz áleýetin iske asyrýyna múmkindik berý sekildi baǵyttardy qamtıdy. Osy qaǵıdattardy júzege asyrý barlyq ınstıtýttyń – Quryltaıdyń, Úkimettiń, ákimdikter men máslıhattardyń, sondaı-aq azamattyq qoǵam ókilderiniń birlesken kúsh-jigerin talap etedi. Mundaı qadamdar – el ıgiligi jolyndaǵy ortaq jaýapkershiliktiń jarqyn kórinisi ekeni anyq», dedi palata tóraǵasy.
M.Áshimbaev Jetisý jastarymen kezdesýde jas býynnyń reformalardy júzege asyrýdaǵy róline toqtalyp, olardyń belsendiligi men konstıtýsııalyq úderisterge qatysýynyń mańyzyna nazar aýdardy. Qolǵa alynǵan reformalardyń nátıjeli iske asyrylýy jas mamandardyń kásibı biliktiligimen tyǵyz baılanysty. Osy oraıda analıtıkterdiń jańa býynyn daıarlaý maqsatymen qolǵa alynǵan Senat janyndaǵy Sarapshylar klýby men Taldaý mektebi jastar tarapynan úlken qyzyǵýshylyqqa ıe ekenin de aıta ketken abzal.
О́ńirge sapar aıasynda Senat tóraǵasy óndiris oryndarynyń jumysshylarymen jáne agrarlyq sala ókilderimen de kezdesti. «Hılnıchenko ı K» sharýa qojalyǵynda ınklıýzııa, etnosaralyq kelisim jáne azyq-túlik qaýipsizdigi máseleleri sóz boldy. M.Áshimbaev óńirlerdegi jasampaz bastamalar Ádiletti Qazaqstan tujyrymdamasyn júzege asyrýǵa, áleýmettik ádildik pen ekonomıkanyń turaqty damýyn qamtamasyz etýge tikeleı yqpal etetinin atap ótti.
«Prezıdentimiz Qasym-Jomart Toqaev aýyl sharýashylyǵyn qarqyndy damytýǵa únemi basa mán berip keledi. Eldiń ál-aýqaty osy saladaǵy tabyspen tyǵyz baılanysty. Bul baǵyttaǵy ilgerileý aýyldardyń, óńirlerdiń, jalpy, tutas eldiń damýyna serpin beredi. Búginde osy jáne basqa da salalarda júıeli jańǵyrtýlar júrgizilýde. Usynylyp otyrǵan ózgerister Qazaqstannyń turaqty damýyna, azamattardyń ómir súrý sapasyn arttyrýǵa jáne búgingi ári keler urpaqtyń ál-aýqatyn qamtamasyz etýge baǵyttalǵan. Jetisý oblysy – elimizdiń mańyzdy aýylsharýashylyq, ındýstrııalyq, ǵylymı jáne ekonomıkalyq ortalyqtarynyń biri. Búginde óńirdegi kásiporyndar osy ıgi dástúrdi jalǵastyryp, ósim men ınnovasııanyń naqty draıverine aınalyp otyr», dedi M.Áshimbaev.
Sondaı-aq Parlament depýtattary «Asar» sporttyq-ońaltý kesheniniń ınfraqurylymymen jáne «ASMA Industrial ltd» ónerkásiptik akkýmýlıatorlar zaýytynyń qyzmetimen tanysty.
