Pavlodar oblysy ákiminiń orynbasary Aryslan Ábdihalyqov óz erkimen qyzmetten ketý týraly ótinish jazdy. Bul týraly Nur.kz habarlady.
A. Ábdihalyqov buryn kommýnaldyq sharýashylyq jáne kóriktendirýdi damytý, ónerkásip jáne kólik ınfraqurylymy baǵdarlamalaryn júzege asyrý salasyna basshylyq jasaǵan edi. Endi bul mindetterdi oblys ákiminiń birinshi orynbasary Dúısenbaı Turǵanov ýaqytsha atqaratyn bolady. Ol sondaı-aq údemeli ındýstrııalyq-ınnovasııalyq damý, «Jol kartasy-2020», «О́ndiris-2020», «Pavlodar» ekonomıkalyq aımaǵy máselelerimen de aınalysady.
Oblystyń jańa basshysy Qanat Bozymbaev birinshi apparat jıynynda oblysty basqarýdyń negizgi syzbasy men ákim orynbasarlarynyń qyzmet bólisteri týraly málimdedi. Oblys ákiminiń orynbasary Aryn О́rsarıev burynǵysynsha «Salamatty Qazaqstan» jáne «Aqparatty Qazaqstan-2020», memlekettik tildi damytý men qoldaný memlekettik baǵdarlamalaryn qadaǵalaıtyn bolady. Oblys ákiminiń orynbasary Nurjan Áshimbetov aýyl sharýashylyǵy men ónerkásip kesheni, ekologııa jáne qorshaǵan orta, orman, ań jáne balyq sharýashylyǵy, jer jáne sý qatynastary, jer asty qazba baılyqtary máselelerine basshylyq jasaıdy.
Baqytbek Keneshuly.
Derekkóz: Nur.kz
Foto: dailynews.kz
