Belarýs eliniń astanasy Mınsk qalasynda osymen tórtinshi ret qazaq kúresinen jalaýy jelbiregen álem chempıonaty ótip, bizdiń balýandarymyz barlyq salmaqta álem chempıony ataǵyn jeńip aldy. Bul týraly www.egemen.kz tilshisi habarlady.
Atap aıtqanda, 60 kılo salmaqta Abzal Arystanbekov, 70 kıloda Erlan Estek, 80 kıloda Ersin Muhamedjanov, 90 kılo salmaqta Muhıt Tursynov jáne eń aýyr salmaq dárejesinde bıylǵy «Qazaqstan barysy» Aıbek Nuǵymarov álem chempıony atandy. Sonymen birge Alpamys Tókıev (90 kg) kúmis júldeger bolsa, Amangeldi Satypaldınov (60 kg) Erasyl Sákenuly (70 kg) men Ádiljan Ystybaev (80 kg) qola júldege ıe boldy. Budan basqa absolıýtti salmaqta Maqsat Mázibaev mońǵol balýany Suǵarjarǵyl Boldpýrevti jeńip, Beıbit Ystybaevtyń «Eýrazııa barysyndaǵy» jeńisin qaıtalady.
Jalpy, bıylǵy álem chempıonaty joǵary deńgeıde ótti. Oǵan 29 eldiń balýandary qatysty. Munyń aldynda 2006 jyly Almatyda, 2008 jyly Reseıdiń Or jáne 2010 jyly Astanada ótken álemdik dodaǵa da osynshama elderdiń balýandary qatysyp, kúsh synasqan bolatyn.
Dastan Kenjalın.
Derekkóz: egemen.kz.
