Qazaqstan • 16 Aqpan, 2021

Jedel medısınalyq járdem: 2020 jyly qandaı jumys atqaryldy?

70 ret kórsetildi

Qazaqstan Respýblıkasynyń Táýelsizdik jyldarynda densaýlyq saqtaý salasynda birqatar reformalar men qaıta qurýlar júrgizildi, sonyń nátıjesinde Qazaqstan Respýblıkasynyń Densaýlyq saqtaý mınıstrligi Ulttyq shuǵyl medısınany úılestirý ortalyǵymen (UShMÚO) birlesip, úzdik halyqaralyq tájirıbelerge sáıkes halyqqa jedel medısınalyq kómek qyzmetin jańǵyrtý boıynsha jumys júrgizdi.

Qazaqstan Respýblıkasy Densaýlyq saqtaý Mınıstrliginiń buıryǵyna sáıkes Ulttyq shuǵyl medısınany úılestirý ortalyǵyna jedel medısınalyq járdem uıymdarynyń qyzmetin úılestirý fýnksııasy bekitilgen.

Búgingi kúni respýblıkanyń jedel medısınalyq járdem qyzmeti 18 derbes stansııadan, 102 qalalyq qosalqy stansııadan jáne 259 aýdandyq bólimsheden turady.

Oblystyq jáne qalalyq JMJ stansııalarynda bir aýysymda 1470 kóshpeli jedel medısınalyq járdem brıgadasy jumys isteıdi, onyń ishinde 307 (21%) mamandandyrylǵan (dárigerlik) jáne 1163 (79%) feldsherlik.

2020 jyldyń qorytyndysy boıynsha qalalyq bólimshelerde 900 brıgada jáne aýdandyq bólimshelerde 570 brıgada jumys isteıdi. Kóshpeli brıgadalarmen jasaqtalý 76,8 %-dy quraıdy. Qajettilik 445 brıgadany quraıdy. Jedel medısınalyq járdem stansııalarynyń brıgadalarymen jasaqtalýdyń tómen paıyzy Nur-Sultan qalasynda (54,3%), Soltústik Qazaqstan oblysynda (57,2%), Aqtóbe oblysynda (58,3%) jáne Batys Qazaqstan oblysynda (59,2%) baıqalady.

Respýblıka boıynsha MSAK uıymy janyndaǵy JMJ bólimshelerinde  4-jedeldilik sanatyndaǵy shaqyrýlarǵa qyzmet kórsetý úshin 548 brıgada jáne jiti respıratorlyq aýrý belgileri bar, COVID-19 pnevmonııaǵa kúdigi bar nemese aýyratyn shaqyrýlarǵa qyzmet kórsetý úshin 3207 mobıldik brıgada jumys isteıdi.

2020 jyly JMJ qyzmetiniń dárigerlik kadrlarmen jasaqtalýy 80,9 %-dy qurady. Dárigerler sanatynyń paıyzy artyp, 64,3% - dy qurady. Sondaı-aq, orta medısınalyq personaldyń sanaty artyp, 46,8% - dy qurady.

Nur-Sultan, Almaty, Shymkent qalalarynda jáne 13 oblysta shaqyrýlardy basqarýdyń avtomattandyrylǵan júıesimen jaraqtandyrý deńgeıi 100% - dy quraıdy. Barlyq óńirlerdegi shaqyrýlardy basqarýdyń avtomattandyrylǵan júıesi UShMÚO aqparattyq júıesimen biriktirilgen.

Búgingi kúni 2542 birlik sanıtarııalyq kólik bar, onyń ishinde 1664 birlik qalada jáne 878 birlik aýylda. Barlyǵy 603 reanımobıl, bul sanıtarııalyq kólik birlikteriniń barlyq sanynyń 23,7% - yn quraıdy, onyń ishinde 455 reanımobıl qalada jáne 148 reanımobıl aýdandyq JMJ bólimshelerinde.

2020 jyly sanıtarııalyq kóliktiń tozýy jańadan satyp alynǵan sanıtarlyq kólik esebinen 24% - ǵa azaıdy jáne 32% - dy (2019 j. 12 aı - 56%) quraıdy. Jol kartasy aıasynda 2020 jyly jedel medısınalyq járdem qyzmeti «QDB-Lızıng» AQ qarjy lızıngi tetigi arqyly otandyq óndiristiń 1167 sanıtarııalyq avtokóligimen jabdyqtaldy.

Medısınalyq jabdyqtarmen jaraqtandyrylý 2020 jyly 94%-dy qurady. Aýdandyq JMJ bólimshelerinde medısınalyq jabdyqtarmen jaraqtandyrylýy 92% - dy qurady.

2020 jyly shaqyrýlar sany 12,7% - ǵa azaıdy jáne 7 171 707 qurady. 1 000 turǵynǵa shaqqanda shaqyrtýlar 374,6 qurady.

2020 jyldyń 12 aıynda sátti reanımasııa kórsetkishiniń jaqsarǵany baıqalady, ol 43% - dy quraıdy.

Emdeýge jatqyzýǵa deıingi ólimniń Aqmola oblysynda (0,08% - ǵa) jáne Qaraǵandy oblysynda (0,03% - ǵa) tómendeýi oryn aldy.

2020 jyl búkil densaýlyq saqtaý júıesiniń jumys josparlaryna mańyzdy túzetýler engizildi. Jańa koronavırýstyq ınfeksııamen kúresýden basqa, medısına qyzmetkerleri kún saıyn el turǵyndarynyń ómirin saqtap, josparly jumyspen aınalysýdy jalǵastyrdy. Jedel medısınalyq kómek respýblıka azamattarynyń densaýlyǵy men ómirin saqtaý aıtarlyqtaı dárejede onyń jumysynyń tıimdiligine baılanysty densaýlyq saqtaý júıesiniń mańyzdy býyny boldy jáne bolyp qala beredi.

 

Sońǵy jańalyqtar

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Máýlen Áshimbaev Qytaı halqyna kóńil aıtty

Parlament • 02 Jeltoqsan, 2022

Meksıkada 200-ge jýyq adam ýlanyp qaldy

Álem • 02 Jeltoqsan, 2022

Shekarany búkil el qorǵaıdy

Qoǵam • 02 Jeltoqsan, 2022

Uqsas jańalyqtar