«Byltyrdan bastap Qazaqstanda beıbit jıyndar ótkizý týraly múlde jańa zań kúshine endi. Eger buryn qoldanysta bolǵan zańda ruqsat alý prosedýrasy bolsa, jańa zańda mıtıng ótkizý týraly habarlasa jetkilikti. Sonymen qatar, iri qalalardyń ortalyqtarynda beıbit jıyndarǵa, onyń ishinde, narazylyq aksııalaryn ótkizýge arnaıy oryndar belgilengen. Bul bizdiń qoǵamdy demokratııalandyrý jolyndaǵy óte mańyzdy qadam. Bul saıasatty bizdiń qoǵamda ǵana emes, shetelderde de túsindirýimiz kerek. Jıyn ótkizgisi keletinder jańa zańǵa baǵynýǵa mindetti. Azamattardyń bılikke qatysty óz oıyn bildirý, synı pikir aıtý quqynan eshkim aıyra almaıdy. Bul olardyń konstıtýsııalyq quqyǵy jáne ol qatań túrde zań aıasynda oryndalýy kerek», dedi QR Prezıdenti Qasym-Jomart Toqaev.
Eske sala keteıik, keshe Memleket basshysy Bas prokýratýranyń basshylyq quramymen keńes ótkizdi. О́tken jyly mamyr aıynda Prezıdent «Beıbit jıyndar týraly» jańa zańǵa qol qoıdy.
