2013 jylǵy 14 qarasha, Astana, Úkimet Úıi
«Tótenshe jaǵdaılar kezinde medısınalyq kómek usyný erejesin, onyń túrleri men kólemin bekitý týraly» Qazaqstan Respýblıkasy Úkimetiniń 2010 jylǵy 17 maýsymdaǵy № 608 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Tótenshe jaǵdaılar kezinde medısınalyq kómek usyný erejesin, onyń túrleri men kólemin bekitý týraly» Qazaqstan Respýblıkasy Úkimetiniń 2010 jylǵy 17 maýsymdaǵy №608 qaýlysyna (Qazaqstan Respýblıkasynyń PÚAJ-y, 2010 j., № 39, 341-qujat) mynadaı ózgerister engizilsin:
taqyryby mynadaı redaksııada jazylsyn:
«Tótenshe jaǵdaılar, tótenshe jaǵdaı rejımi engizilgen kezde medısınalyq kómek usyný qaǵıdalaryn, onyń túrleri men kólemin bekitý týraly»;
kirispe mynadaı redaksııada jazylsyn:
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksi 6-babynyń 9) tarmaqshasyna, 51-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:»;
1-tarmaq mynadaı redaksııada jazylsyn:
«1. Qosa berilip otyrǵan Tótenshe jaǵdaılar, tótenshe jaǵdaı rejımi engizilgen kezde medısınalyq kómek usyný qaǵıdalary, onyń túrleri men kólemi bekitilsin.»;
kórsetilgen qaýlymen bekitilgen Tótenshe jaǵdaılar, tótenshe jaǵdaı rejımi engizilgen kezde medısınalyq kómek usyný erejesi, onyń túrleri men kólemi osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 14 qarashadaǵy №1226 qaýlysyna qosymsha
Qazaqstan Respýblıkasy Úkimetiniń 2010 jylǵy 17 maýsymdaǵy № 608 qaýlysymen bekitilgen
Tótenshe jaǵdaılar, tótenshe jaǵdaı rejimi engizilgen kezde medınınalyq kómek usyný qaǵıdalary, onyń túrleri men kólemi
1. Jalpy erejeler
1. Tótenshe jaǵdaılar, tótenshe jaǵdaı rejimi engizilgen kezde medısınalyq kómek usyný qaǵıdalary, onyń túrleri men kólemi (budan ári – Qaǵıdalar) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksine, Qazaqstan Respýblıkasynyń «Tabıǵı jáne tehnogendik sıpattaǵy tótenshe jaǵdaılar týraly» 1996 jylǵy 5 shildedegi, «Avarııalyq-qutqarý qyzmeti jáne qutqarýshylardyń mártebesi týraly» 1997 jylǵy 27 naýryzdaǵy jáne «Tótenshe jaǵdaılar týraly» 2003 jylǵy 8 aqpandaǵy zańdaryna sáıkes ázirlendi.
1. Osy Qaǵıdalar tótenshe jaǵdaılar, tótenshe jaǵdaı rejimi engizilgen kezde medısınalyq kómek usyný tártibin, onyń túrleri men kólemin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) apattar medısınasy qyzmeti – zardap shekkenderge shuǵyl medısınalyq kómek kórsetý jolymen áleýmettik, tabıǵı jáne tehnogendik sıpattaǵy tótenshe jaǵdaılardyń medısınalyq-sanıtarııalyq saldarynyń aldyn alýǵa jáne olardy joıýǵa jáne tótenshe jaǵdaılar aımaǵynda, tótenshe jaǵdaı engizilgen aýmaqta sanıtarııalyq-epıdemııaǵa qarsy (profılaktıkalyq) is-sharalardy ótkizý, tótenshe jaǵdaılardy joıýǵa qatysqandardyń densaýlyǵyn saqtaý men qalpyna keltirýge arnalǵan kúshter men quraldardyń jıyntyǵy; medısınalyq-sanıtarııalyq jaǵdaıdy qadaǵalaý jáne baqylaý bólimsheleri (apattar medısınasynyń kezekshi – dıspetcherlik pýnktteri), tótenshe jaǵdaılar salasyndaǵy ýákiletti organnyń shuǵyl medısınalyq kómek qyzmeti, densaýlyq saqtaý júıesiniń shuǵyl medısınalyq kóme uıymdary, zardap shekkenderge konsýltasııalyq-dıagnostıkalyq, stasıonarlyq kómek kórsetýge, qalpyna keltirý men medısınalyq ońaltýǵa arnalǵan medısınalyq uıymdar, qan qyzmeti, memlekettik sanıtarııalyq-epıdemıologııalyq qyzmet uıymdary, Azamattyq qorǵanys medısınalyq qyzmetiniń mekemeleri men quramalary, sondaı-aq tótenshe jaǵdaılar saldaryn joıýǵa arnalǵan ózge de kúshter men qúraldar kiredi;
2) apattar medısınasynyń quramalary – tótenshe jaǵdaılar aımaqtarynda, tótenshe jaǵdaı engizilgen aýmaqta jumys isteýge arnalǵan jasaqtar, toptar, brıgadalar jáne shuǵyl medısınalyq kómek kórsetý men medısınalyq evakýasııalaý úshin qurylatyn basqa da bólimsheler;
3) tótenshe jaǵdaılar kezinde halyqqa shuǵyl medısınalyq kómek – tótenshe jaǵdaılar kezinde tikeleı tótenshe jaǵdaı aımaǵynda jáne/nemese onyń tótenshe jaǵdaı rejimi engizilgen shekaralarynda júzege asyrylatyn maqsaty boıynsha evakýasııalaýdy ushtastyra otyryp, emdeý-aldyn alý is-sharalarynyń keshenin usyný nysany;
4) tótenshe jaǵdaılardyń medısınalyq-sanıtarııalyq saldary – tótenshe jaǵdaılar, tótenshe jaǵdaı rejimin engizý kezinde týyndaǵan jaǵdaıdy sıpattaıtyn jáne halyqqa medısınalyq kómektiń mazmunyn, kólemi men uıymdastyrylýyn aıqyndaıtyn faktorlar men sharttardyń jıyntyǵy. Onyń negizgi elementteri: halyqtyń sanıtarııalyq shyǵyndarynyń shamasy men qurylymy, olardyń qalyptasý zańdylyqtary; zaqymdanǵandardyń (naýqastardyń) medısınalyq kómekke muqtajdyǵy, tótenshe jaǵdaılar aımaǵynyń (aýdanynyń), tótenshe jaǵdaı rejimi engizilgen aýmaqtyń sanıtarııalyq-gıgıenalyq jáne sanıtarııalyq-epıdemııalyq jaı-kúıi, medısınalyq-sanıtarııalyq qamtamasyz etýge arnalǵan kúshter men quraldardyń qajettiligi jáne olardyń bolýy; medısınalyq kúshter men quraldardyń jaı-kúıi; tótenshe jaǵdaılardy joıý kezinde medısınalyq jáne avarııalyq-qutqarý quramalarynyń jumys jaǵdaıy, halyqtyń tirshiligin qamtamasyz etý jaǵdaıy jáne basqalar bolyp tabylady;
5) tótenshe jaǵdaılar kezindegi medısınalyq kómektiń túri – medısınalyq kómek kórsetetin tulǵalardyń biliktiligimen ótkiziletin orny jáne qolda bar medısınalyq jaraqtardyń bolýymen aıqyndalatyn emdeý – aldyn alý is-sharalarynyń tizbesi;
6) shuǵyl medısınalyq kómektiń kólemi – tirshilik kórsetkishteri boıynsha tótenshe jaǵdaı aımaǵyndaǵy, tótenshe jaǵdaı rejimi engizilgen aýmaqtaǵy jaǵdaıdyń sharttaryna jáne medısınalyq evakýasııalaý kezeńiniń múmkindikterine baılanysty medısınalyq kómek túriniń sheńberinde oryndalatyn tolyq nemese qysqartylǵan emdeý-aldyn alý is-sharalarynyń jıyntyǵy.
2. Tótenshe jaǵdaılar, tótenshe jaǵdaı rejimi engizilgen kezde medısınalyq kómek usyný tártibi
4. Tótenshe jaǵdaılar, tótenshe jaǵdaı rejimi engizilgen kezde halyqqa medısınalyq kómek tótenshe jaǵdaıdyń sanatyna, sondaı-aq olardyń medısınalyq-sanıtarııalyq saldarynyń sıpaty men aýqymyna baılanysty usynylady.
5. Obektilik tótenshe jaǵdaılar kezinde zaqymdanǵandarǵa (naýqastarǵa) medısınalyq kómek kórsetýdi kúndelikti qyzmet rejiminde densaýlyq saqtaý uıymdary júzege asyrady.
6. Jergilikti, óńirlik jáne jahandyq tótenshe jaǵdaılar týyndaǵan kezde, sondaı-aq tótenshe jaǵdaı rejimi engizilgen kezde apattar medısınasy qyzmetiniń kúshteri men quraldary qoldanysqa engiziledi.
7. Tótenshe jaǵdaılar, tótenshe jaǵdaı rejimi engizilgen kezdegi medısınalyq kómek taǵaıyndalýy boıynsha medısınalyq evakýasııalaýdy úılestire otyryp, zaqymdanýshylardy (naýqastardy) zaqymdaný sıpatyna, aýyrlyq dárejesine qaraı kezeńdik emdeý ádisimen usynylady.
8. Birinshi kezeńde tikeleı tótenshe jaǵdaı aımaǵynda jáne/nemese onyń shekaralarynda, tótenshe jaǵdaı rejimi engizilgen aýmaqta shuǵyl medısınalyq kómekti shuǵyl medısınalyq kómek qyzmetiniń, avarııalyq-qutqarý bólimsheleriniń, apattar medısınasynyń quramalary men Azamattyq qorǵanys jáne tótenshe jaǵdaılardyń medısınalyq qyzmeti, sondaı-aq óziniń jumysqa qabilettiligin saqtap qalǵan aýmaqtyq medısınalyq uıymdardyń kúshteri kórsetedi.
9. Ekinshi kezeńde medısınalyq kómek tótenshe jaǵdaı aımaǵynan tys jerde, tótenshe jaǵdaı rejimi engizilgen aýmaqta ornalasqan densaýlyq saqtaý uıymdarynda kórsetiledi.
10. Tótenshe jaǵdaılar, tótenshe jaǵdaı rejimi engizilgen kezde medısınalyq kómek kórsetý úshin Qazaqstan Respýblıkasynyń zańnamasynda jáne osy Qaǵıdalarda belgilengen tártippen densaýlyq saqtaý uıymdarynyń, medısınalyq jáne farmasevtıkalyq qyzmetpen aınalysatyn zańdy jáne jeke tulǵalardyń, sondaı-aq kólik uıymdarynyń personaly men materıaldyq-tehnıkalyq quraldary tartylýy jáne paıdalanylýy múmkin.
11. Densaýlyq saqtaý uıymdarynda shuǵyl medısınalyq kómek is-sharalaryn júrgizý úshin aldyn ala udaıy ázirliktegi apattar medısınasynyń quramalary qurylady jáne ústalady. Apattar medısınasynyń quramalaryn qurý tártibin jáne júmys erejesin densaýlyq saqtaý salasyndaǵy ýákiletti organnyń kelisimi boıynsha tótenshe jaǵdaılar salasyndaǵy ýákiletti organ aıqyndaıdy.
12. Tótenshe jaǵdaı aımaǵynan, tótenshe jaǵdaı rejimi engizilgen aýmaqtan zaqymdanǵandardy (naýqastardy) qabyldaýdy, odan ári medısınalyq kómek kórsetýdi, emdeý men medısınalyq ońaltýdy Qazaqstan Respýblıkasynyń zańnamasyna sáıkes densaýlyq saqtaý uıymdary júzege asyrady.
13. Apattar medısınasy salasyndaǵy memlekettik organdar men densaýlyq saqtaý uıymdaryn úılestirýdi jáne olardyń ózara is-qımylyn tótenshe jaǵdaılar salasyndaǵy ýákiletti organ júzege asyrady.
3. Tótenshe jaǵdaılar, tótenshe jaǵdaı rejimi engizilgen kezdegi medısınalyq kómektiń túrleri men kólemi
14. Tótenshe jaǵdaılar, tótenshe jaǵdaı rejimi engizilgen kezde zaqymdanýshylarǵa (naýqastarǵa) medısınalyq kómek ony kórsetý ornyna, ony kórsetetin tulgalardyń biliktiligine jáne medısınalyq múlikpen qamtamasyz etilýine baılanysty dárigerge deıingi, bilikti jáne mamandandyrylǵan medısınalyq kómek túrinde usynylady.
15. Tótenshe jaǵdaılar kezindegi medısınalyq kómektiń kólemi, tótenshe jaǵdaı rejimin engizý tótenshe jaǵdaı aımaǵynda qalyptasqan medısınalyq-sanıtarııalyq jáne daǵdarysty jaǵdaıǵa baılanysty belgilengen medısınalyq kómek túrleri sheńberinde kómektiń kólemi tıimdiligi meılinshe dáleldengen profılaktıkalyq, dıagnostıkalyq jáne emdik is-sharalardyń negizinde medısınalyq aıǵaqtar boıynsha aıqyndalady.
16. Tikeleı tótenshe jaǵdaı aımaǵynda jáne/nemese onyń shekaralarynda, tótenshe jaǵdaı rejimi engizilgen aýmaqta mynadaı medısınalyq kómek kórsetiledi:
1) dárigerge deıingi – orta medısınalyq bilimi bar medısına qyzmetkerleri, paramedıkter, qutqarýshylar, shuǵyl qyzmettiń basqa da qyzmetkerleri, sondaı-aq ózindik jáne ózara kómek kórsetý tártibinde ózge de tulǵalar;
2) bilikti – jedel medısınalyq kómek bólimsheleriniń, Azamattyq qorǵanys jáne tótenshe jaǵdaılardyń apattar medısınasy men medısınalyq qyzmetteriniń quramalarynyń kúshteri, dalalyq jyljymaly medısınalyq áskerı bólimder men bólimsheler, sondaı-aq ózderiniń jumysqa qabilettiligin saqtap qalǵan densaýlyq saqtaý uıymdary;
3) mamandandyrylǵan – apattar medısınasynyń mamandandyrylǵan quramalary, sondaı-aq kóp beıindi densaýlyq saqtaý uıymdary.
