2013 jylǵy 14 qarasha, Astana, Úkimet Úıi
«Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysyna (Qazaqstan Respýblıkasynyń PÚAJ-y, 2009 j., № 12, 86-qujat) mynadaı ózgerister engizilsin:
kórsetilgen qaýlymen bekitilgen Bıýdjettiń atqarylýy jáne oǵan kassalyq qyzmet kórsetý erejesinde:
257-tarmaqtyń tórtinshi bóligi mynadaı redaksııada jazylsyn:
«Respýblıkalyq bıýdjet komıssııasynyń oń sheshimi negizinde jergilikti atqarýshy organdarǵa jańa bıýdjettik ınvestısııalyq jobalardy engizý óńirlik jáne jahandyq sıpattaǵy áleýmettik, tabıǵı jáne tehnogendik tótenshe jaǵdaılardyń aldyn alýǵa nemese olardy joıýǵa, sondaı-aq tótenshe jaǵdaıdyń quqyqtyq rejımin qamtamasyz etý jónindegi is-sharalardy ótkizýge baılanysty jańa bıýdjettik ınvestısııalyq jobalardy engizý jaǵdaılaryn qospaǵanda, bir bıýdjettik baǵdarlama sheginde joǵary turǵan bıýdjetten nysanaly damý transfertteriniń esebinen qarjylandyrylatyn jergilikti bıýdjettik ınvestısııalyq jobalardyń somasyn bıýdjettik ınvestısııalyq jobanyń smetalyq qunyn arttyrýmen baılanysty shyǵystarǵa, sondaı-aq jańa bıýdjettik ınvestısııalyq jobalardy qarjylandyrýǵa qaıta bólýge tyıym salynady.»;
412, 413-tarmaqtar mynadaı redaksııada jazylsyn:
«412. Qazaqstan Respýblıkasynyń aýmaǵynda áleýmettik, tabıǵı jáne tehnogendik sıpattaǵy tótenshe jaǵdaılar týyndaǵan, sondaı-aq tótenshe jaǵdaıdyń quqyqtyq rejımin qamtamasyz etý jónindegi is-sharalar ótkizilgen jaǵdaıda Qazaqstan Respýblıkasy Úkimetiniń rezervinen aqsha bólý týraly qoldaýhattardy tótenshe jaǵdaıdyń tıisti túri salasyndaǵy ýákiletti memlekettik organ qaraıdy. Bul rette paıda bolǵan áleýmettik, tabıǵı jáne tehnogendik sıpattaǵy tótenshe jaǵdaı óńirlik nemese jahandyq aýqym alýǵa tıis.
413.Jergilikti aýqymdaǵy áleýmettik, tabıǵı jáne tehnogendik sıpattaǵy tótenshe jaǵdaılar týyndaǵan, sondaı-aq tótenshe jaǵdaıdyń quqyqtyq rejımin qamtamasyz etý jónindegi is-sharalar ótkizilgen jaǵdaıda tıisti jergilikti atqarýshy organnyń rezervinen aqsha bólý týraly qoldaýhattardy oblystyń, respýblıkalyq mańyzy bar qalanyń, astananyń, aýdannyń jáne oblystyq mańyzy bar qalanyń bıýdjetti atqarý jónindegi ýákiletti organy qaraıdy.»;
414-tarmaqtyń birinshi bóligi mynadaı redaksııada jazylsyn:
«414. Áleýmettik, tabıǵı jáne tehnogendik sıpattaǵy tótenshe jaǵdaılardyń, olardy oqshaýlaý jáne joıý jónindegi is-sharalardyń oryn alǵanyn, tótenshe jaǵdaıdyń quqyqtyq rejımin qamtamasyz etý jónindegi is-sharalardy ótkizý qajettiligin negizdeıtin materıaldardy, materıaldyq-tehnıkalyq, qarjylyq jáne adamı resýrstardyń tıisti negizdemeleri men esepteýlerin usyný tártibi men tizbesin tótenshe jaǵdaıdyń tıisti túri salasyndaǵy ýákiletti organ anyqtaıdy.»;
415, 416, 417 jáne 418-tarmaqtar mynadaı redaksııada jazylsyn:
«415. О́ńirlik jáne jahandyq aýqymdaǵy áleýmettik, tabıǵı jáne tehnogendik sıpattaǵy tótenshe jaǵdaılardy joıý, sondaı-aq tótenshe jaǵdaıdyń quqyqtyq rejımin qamtamasyz etý jónindegi is-sharalar ótkizý qajet bolǵan kezde tótenshe jaǵdaıdyń tıisti túri salasyndaǵy ýákiletti memlekettik organ zańnamada belgilengen tártippen Qazaqstan Respýblıkasynyń Úkimetine áleýmettik, tabıǵı jáne tehnogendik sıpattaǵy tótenshe jaǵdaılardy joıýǵa jáne/nemese tótenshe jaǵdaıdyń quqyqtyq rejımin qamtamasyz etý jónindegi is-sharalardy ótkizýge aqsha bólý týraly sheshim jobasyn engizedi.
416.Jergilikti aýqymdaǵy áleýmettik, tabıǵı jáne tehnogendik sıpattaǵy tótenshe jaǵdaılardy joıý, sondaı-aq tótenshe jaǵdaıdyń quqyqtyq rejımin qamtamasyz etý jónindegi is-sharalar ótkizý qajet bolǵan kezde oblystyń, respýblıkalyq mańyzy bar qalanyń, astananyń, oblystyq mańyzy bar aýdannyń jáne qalanyń bıýdjetti atqarý jónindegi ýákiletti organy zańnamada belgilengen tártippen jergilikti atqarýshy organǵa áleýmettik, tabıǵı jáne tehnogendik sıpattaǵy tótenshe jaǵdaılardy joıýǵa jáne/nemese tótenshe jaǵdaıdyń quqyqtyq rejımin qamtamasyz etý jónindegi is-sharalardy ótkizýge aqsha bólý týraly sheshimniń jobasyn engizedi.
417. Tótenshe rezerv aqshasy Qazaqstan Respýblıkasynyń «Tabıǵı jáne tehnogendik sıpattaǵy tótenshe jaǵdaılar týraly» jáne «Tótenshe jaǵdaı týraly» zańdarynda kózdelgen áleýmettik, tabıǵı jáne tehnogendik sıpattaǵy tótenshe jaǵdaılardy joıý jónindegi is-sharalarǵa baǵyttalady.
418.Basqa memleketterdiń aýmaǵyndaǵy áleýmettik, áskerı, ekologııalyq, tabıǵı jáne tehnogendik sıpattaǵy tótenshe jaǵdaılardy joıý maqsatynda tıisti ortalyq memlekettik organ Komıssııa usynymdarynyń negizinde
Qazaqstan Respýblıkasynyń resmı gýmanıtarlyq kómek kórsetýine arnalǵan Qazaqstan Respýblıkasynyń Úkimeti sheshiminiń jobasyn ázirleıdi jáne zańnamada belgilengen tártippen ony Qazaqstan Respýblıkasynyń Úkimetine engizedi.»;
422-tarmaqtyń jetinshi bóligi mynadaı redaksııada jazylsyn: «Qazaqstan Respýblıkasynyń Úkimeti iske asyrý merzimi bir qarjy jylynan astam merzimmen Qazaqstan Respýblıkasy Úkimetiniń nemese jergilikti atqarýshy organnyń rezervinen apattyq-qalpyna keltirý jumystaryn jáne áleýmettik, tabıǵı jáne tehnogendik sıpattaǵy tótenshe jaǵdaılardyń, sondaı-aq saıası, ekonomıkalyq jáne eleýmettik turaqtylyqqa, adamdardyń ómiri men densaýlyǵyna qaýip tóndiretin jaǵdaılardyń saldarlaryn joıýmen baılanysty ózge is-sharalar júrgizý úshin qosymsha qarajat bólý týraly kelesi qarjy jyldarynda sheshim qabyldaǵan jaǵdaıda, tıisti memlekettik organ bıýdjetti atqarý jónindegi ýákiletti organǵa osy tarmaqtyń birinshi abzasynda kórsetilgen tıisti negizdemelermen jáne esepteýlermen birge qosymsha aqsha bólý týraly qoldaýhatty usynady, sondaı-aq oryndalǵan jumystardyń, qyzmetterdiń (taýarlardyń) kólemin kórsete otyryp, ótken qarjy jyly úshin rezervten bólingen qarajatty paıdalaný týraly esep beredi.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
