2013 jylǵy 15 qarasha, Astana, Úkimet Úıi
«Tabıǵı monopolııalar sýbektileriniń retteletin qyzmetterine (taýarlaryna, jumystaryna) arnalǵan tarıfterdi (baǵalardy, alymdar stavkalaryn) nemese olardyń shekti deńgeılerin bekitýge berilgen ótinimderdi qaraý kezinde jarııa tyńdaýlar ótkizý erejesin bekitý týraly» Qazaqstan Respýblıkasy Úkimetiniń 2003 jylǵy 21 sáýirdegi № 376 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Tabıǵı monopolııalar sýbektileriniń retteletin qyzmetterine (taýarlaryna, jumystaryna) arnalǵan tarıfterdi (baǵalardy, alymdar stavkalaryn) nemese olardyń shekti deńgeılerin bekitýge berilgen ótinimderdi qaraý kezinde jarııa tyńdaýlar ótkizý erejesin bekitý týraly» Qazaqstan Respýblıkasy Úkimetiniń 2003 jylǵy 21 sáýirdegi № 376 qaýlysyna (Qazaqstan Respýblıkasynyń PÚAJ-y, 2003 j., № 17, 177-qujat) mynadaı ózgerister engizilsin:
taqyryby mynadaı redaksııada jazylsyn:
«Tabıǵı monopolııalar sýbektileriniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) nemese olardyń shekti deńgeılerin bekitýge arnalǵan ótinimderdi qaraý kezinde jarııa tyńdaýlar ótkizý qaǵıdalaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Tabıǵı monopolııalar sýbektileriniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) nemese olardyń shekti deńgeılerin bekitýge arnalǵan ótinimderdi qaraý kezinde jarııa tyńdaýlar ótkizý qaǵıdalary bekitilsin.»;
kórsetilgen qaýlymen bekitilgen Tabıǵı monopolııalar sýbektileriniń retteletin qyzmetterine (taýarlaryna, jumystaryna) arnalǵan tarıfterdi (baǵalardy, alymdar stavkalaryn) nemese olardyń shekti deńgeılerin bekitýge berilgen ótinimderdi qaraý kezinde jarııa tyńdaýlar ótkizý erejesi osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Ykimetiniń 2013 jylǵy 15 qarashadaǵy №1235 qaýlysyna qosymsha
Qazaqstan Respýblıkasy Ykimetiniń 2013 jylǵy 21 sáýirdegi №376 qaýlysymen bekitilgen
Tabıǵı monopolııalar sýbektileriniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) nemese olardyń shekti deńgeılerin bekitýge arnalǵan ótinimderdi qaraý kezinde jarııa tyńdaýlar ótkizý qaǵıdalary
1. Jalpy erejeler
1. Osy Tabıǵı monopolııalar sýbektileriniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) nemese olardyń shekti deńgeılerin bekitýge arnalǵan ótinimderdi qaraý kezinde jarııa tyńdaýlar ótkizý qaǵıdalary (budan ári – Qaǵıdalar) «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasynyń Zańyna (budan ári – Zań) sáıkes ázirlendi jáne tabıǵı monopolııalar salalarynda jáne retteletin naryqtarda basshylyqty júzege asyratyn memlekettik organnyń (budan ári – ýákiletti organ) tabıǵı monopolııalar sýbektileriniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) nemese olardyń shekti deńgeılerin bekitýge arnalǵan ótinimderdi qaraý kezinde jarııa tyńdaýlar ótkizý tártibin aıqyndaıdy.
2. Jarııa tyńdaýlar ótkizýdiń maqsaty tutynýshylar men ýákiletti organ úshin tabıǵı monopolııalar sýbektileri qyzmetiniń ashyqtyǵyn qamtamasyz etý jolymen tarıf saıasaty salasyndaǵy tutynýshylardyń quqyqtaryn qorǵaý júıesin kúsheıtý bolyp tabylady.
3. Jarııa tyńdaýlar – tabıǵı monopolııa sýbektisiniń rettelip kórsetiletin qyzmetterine (taýarlaryna, jumystaryna) tarıftiń (baǵanyń, alym mólsherlemesiniń) nemese onyń shekti deńgeıiniń jobasyn memlekettik organdardyń, tutynýshylardyń jáne olardyń qoǵamdyq birlestikteriniń, buqaralyq aqparat quraldarynyń ókilderin, táýelsiz sarapshylardy jáne tabıǵı monopolııalar sýbektilerin shaqyra otyryp ótkiziletin talqylaý rásimi.
Osy Qaǵıdalarda paıdalanylatyn ózge anyqtamalar men termınder Qazaqstan Respýblıkasynyń tabıǵı monopolııalar jáne retteletin naryqtar týraly zańnamasyna sáıkes qoldanylady.
4. Jarııa tyńdaýlardy ótkizý qaǵıdattary:
1) jarııalylyq;
2) tutynýshylar men tabıǵı monopolııalar sýbektileri múddeleriniń teńgerimin saqtaý.
5. Ýákiletti organ jarııa tyńdaýlardy ótkizgenge deıin jarııa tyńdaýlar ótkiziletini týraly habarlandyrýdy:
1) tabıǵı monopolııa sýbektisiniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) nemese olardyń shekti deńgeılerin jalpy tártippen bekitý kezinde kúntizbelik on bes kúnnen keshiktirmeı;
2) Zańnyń 18-babynyń 5-tarmaǵyna sáıkes tabıǵı monopolııa sýbektisiniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) bekitý kezinde kúntizbelik jeti kúnnen keshiktirmeı óziniń ınternet-resýrsynda ornalastyrady jáne tabıǵı monopolııa sýbektisi óz qyzmetin júzege asyratyn tıisti ákimshilik-aýmaqtyq birlikte taratylatyn, aptasyna keminde eki ret shyǵatyn baspasóz basylymdarynda jarııalaıdy.
Merzimdi baspasóz basylymdarynda aldaǵy bolatyn jarııa tyńdaýlar týraly habarlandyrýdy jarııalaý týraly talaptar rettelip kórsetiletin qyzmetterge (taýarlarǵa, jumystarǵa) tarıfterdi (baǵalardy, alymdar mólsherlemelerin) bekitý kezinde qýaty az tabıǵı monopolııalar sýbektilerine qoldanylmaıdy.
6. Aldaǵy bolatyn jarııa tyńdaýlar týraly habarlandyrý mynadaı málimetterdi:
1) tyńdaýlardy uıymdastyrýshynyń ataýy men ornalasqan ornyn;
2) tyńdaýlardyń ótkiziletin kúni, orny men ýaqytyn;
3) tabıǵı monopolııa sýbektisiniń ataýyn jáne ótinim berilgen rettelip kórsetiletin qyzmetterge (taýarlarǵa, jumystarǵa) tarıfterdi (baǵalardy, alymdar mólsherlemelerin) nemese olardyń shekti deńgeılerin bekitýge arnalǵan qyzmetterdiń (taýarlardyń, jumystardyń) túrlerin;
4) aqparat alýǵa bolatyn jarııa tyńdaýlardy uıymdastyrýshynyń jáne tabıǵı monopolııa sýbektisiniń baılanys telefondaryn;
5) ýákiletti organnyń jáne tabıǵı monopolııa sýbektisiniń ınternet-resýrsynyń mekenjaıyn (bolǵan jaǵdaıda) qamtıdy.
7. Tabıǵı monopolııalar sýbektileriniń memlekettik tirkeliminiń jergilikti bólimine engizilgen tabıǵı monopolııalar sýbektileriniń rettelip kórsetiletin qyzmetterine (taýarlaryna, jumystaryna) tarıfterdiń (baǵalardyń, alymdar mólsherlemeleriniń) nemese olardyń shekti deńgeıleriniń jobalaryn talqylaý jónindegi jarııa tyńdaýlardy ótkizý kezinde ýákiletti organ osy Qaǵıdalardyń 6-tarmaǵynda kózdelgen málimetterdi kórsete otyryp, tıisti jergilikti memlekettik basqarý organdaryn shaqyrady.
8. Qýaty az tabıǵı monopolııa sýbektisi jarııa tyńdaýlardy ótkizgenge deıin jarııa tyńdaýlardy ótkizý kúni, orny men ýaqyty týraly tutynýshylardy jáne múddeli tulǵalardy habardar etedi.
9. Jarııa tyńdaýlar:
1) tabıǵı monopolııa sýbektisiniń rettelip kórsetiletin qyzmetterine (taýarlaryna, jumystaryna) tarıfterdiń (baǵalardyń, alymdar mólsherlemeleriniń) shekti deńgeılerin bekitý kezinde bekitý týraly sheshim qabyldaǵanǵa deıin kúntizbelik otyz kúnnen keshiktirmeı;
2) tabıǵı monopolııa sýbektisiniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) bekitý kezinde bekitý týraly sheshim qabyldaǵanǵa deıin kúntizbelik on bes kúnnen keshiktirmeı;
3) Zańnyń 18-babynyń 5-tarmaǵyna sáıkes tabıǵı monopolııa sýbektisiniń rettelip kórsetiletin qyzmetterine (taýarlaryna, jumystaryna) arnalǵan tarıfterdi (baǵalardy, alymdar mólsherlemelerin) bekitý kezinde bekitý týraly sheshim qabyldaǵanǵa deıin kúntizbelik jeti kúnnen keshiktirmeı;
4) qýaty az tabıǵı monopolııa sýbektisiniń rettelip kórsetiletin qyzmetterine (taýarlaryna, jumystaryna) tarıfterdi (baǵalardy, alymdar mólsherlemelerin) bekitý kezinde bekitý týraly sheshim qabyldaǵanǵa deıin kúntizbelik bir kúnnen keshiktirmeı ótkiziledi.
10. Tabıǵı monopolııa sýbektisi jarııa tyńdaýlardy ótkizý kúni týraly aqparat jarııalanǵannan keıin jarııa tyńdaýlarǵa qatysýshylardyń talaby boıynsha:
rettelip kórsetiletin qyzmetterge (taýarlarǵa, jumystarǵa) tarıftik smetalardyń, tarıfterdiń (baǵalardyń, alymdar mólsherlemeleriniń) nemese olardyń shekti deńgeıleriniń jobalaryn;
rettelip kórsetiletin qyzmetterge (taýarlarǵa, jumystarǵa) tarıfterdi (baǵalardy, alymdar mólsherlemelerin) nemese olardyń shekti deńgeılerin kóterý sebepteri týraly ekonomıkalyq negizdelgen esepteri bar aqparatty beredi.
2. Jarııa tyńdaýlardy ótkizý tártibi
11. Tyńdaýlar ýákiletti organ aıqyndaǵan úı-jaıda kedergisiz kirýdi qamtamasyz etý arqyly ótkiziledi.
12. Jarııa tyńdaýlar ótkizý úshin ýákiletti organ qyzmetkerleriniń ishinen jarııa tyńdaýlardyń tóraǵasy (budan ári – tóraǵa) taǵaıyndalady. Tóraǵa qýaty az tabıǵı monopolııa sýbektisiniń ótinimderin qaraýdy qospaǵanda, ýákiletti organ qyzmetkerleriniń ishinen jarııa tyńdaýlardyń hattamasyn júrgizetin hatshyny taǵaıyndaıdy.
13. Hattama jazbasha nysanda jasalady.
14. Tóraǵa árbir jarııa tyńdaýǵa reglament belgileıdi.
15. Tóraǵa belgilengen ýaqytta tyńdaýlardy ashady, olardyń maqsatyn jáne kún tártibin jarııalaıdy. Tóraǵa qatysýshylardy tyńdaýlardy ótkizý reglamentimen tanystyrady.
16. О́z sózinde tabıǵı monopolııa sýbektisi ózi kórsetetin rettelip kórsetiletin qyzmetterge (taýarlarǵa, jumystarǵa) usynylyp otyrǵan tarıftiń (baǵanyń, alym mólsherlemesiniń) deńgeıine nemese onyń shekti deńgeıine rastaýshy foto, beıne materıaldardy qosa bere otyryp, egjeı-tegjeıli túsinikteme jáne negizdeme beredi.
17. Tóraǵa jarııa tyńdaýlarda sóz sóıleıtinderge suraqtar qoıady, qaralyp otyrǵan máseleler boıynsha óz ustanymyn bildiredi, tyńdaýlarǵa qatysýshynyń tyńdaý reglamentin buzatyn, sondaı-aq jarııa tyńdaýlardyń taqyrybyna qatysy joq sózin bóledi.
Jarııa tyńdaýlardy ótkizý kezinde tártipti buzatyn adamǵa tóraǵa eskertý jasaıdy. Tártipti qaıta buzǵan jaǵdaıda tyńdaýlarǵa qatysyp otyrǵan adam úı-jaıdan shyǵarylady.
18. Jarııa tyńdaýlarǵa qatysýshylar qaralyp otyrǵan máseleler boıynsha óz kózqarastaryn (bolǵan jaǵdaıda) bildiredi, sóz sóıleýshilerge suraqtar qoıady, óz sózderinde kómekshi materıaldardy (plakattar, kesteler jáne taǵy basqalar) paıdalanady jáne jarııa tyńdaýlardyń hattamasyna sóılegen sózin jazbasha qosa beredi.
19. Tóraǵa tyńdaýlardyń qorytyndysyn shyǵarady jáne jarııa tyńdaýlardy jabady.
20. Jarııa tyńdaýlarǵa qatysýshylar bildirgen pikirler usynymdyq sıpatqa ıe jáne nazarǵa alynady.
21. Jarııa tyńdaýlardy ótkizý prosesinde hattama jasalady, onda osy Qaǵıdalardyń 6-tarmaǵynda kórsetilgen aqparat, sondaı-aq jarııa tyńdaýdyń bastalýy men aıaqtalýy, sóz sóılegenderdiń tegi, aty-jóni týraly málimetter jáne sóılegen sózder mátininiń qysqasha mazmuny men tyńdaýlardyń nátıjeleri qamtylady. Barlyq hattamalar nómirlenedi jáne jeke papkaǵa tigiledi.
22. Jarııa tyńdaýlardyń hattamasy jarııa tyńdaýlar ótkizgen ýákiletti organnyń muraǵatynda jarııa tyńdaýlar ótkizilgen kúnnen bastap úsh jyl boıy saqtalady.
23. Kommersııalyq jáne zańmen qorǵalatyn ózge de qupııany quraıtyn málimetter tabıǵı monopolııa sýbektisiniń kelisiminsiz jarııa tyńdaýlarda jarııa etýge jatpaıdy.
