«Ańsaǵan sábı» memlekettik baǵdarlamasy aǵymdaǵy jyldyń qańtar aıynan bastaldy. Osy baǵdarlama aıasynda EKO-ǵa bólinetin kvota sany 7 esege – 7000-ǵa deıin ulǵaıtyldy.
«Almatyǵa 800 kvota bólindi. Oǵan qalalyq Qoǵamdyq densaýlyq saqtaý basqarmasy jaýapty. Kelesi jyly 300-350 kvota dep mınıstrlik tarapynan josparlanyp otyr. Respýblıkalyq bıýdjettiń tarapynan kelip jatqan qarjy. Onyń kimderge beriletini qurylyp jatqan komıssııa arqyly mamandarmen birge basqarmanyń tóńireginde sheshiledi», - dedi qala ákimi.
Aıta ketsek, ótken jyly qalada EKO-ǵa 130 kvota bólingen bolatyn. Áıeldi EKO-ǵa jiberý týraly sheshim qalalyq Qoǵamdyq densaýlyq basqarmasy janynan qurylǵan komıssııa otyrysynda qabyldanady. Búgingi kúni kezekte 700-den astam áıel tur.
