Gýmanıtarlyq kómekti «SQ-Farmasııa» JShS qabyldaıdy, sodan keıin Densaýlyq saqtaý mınıstrligimen kelisim boıynsha bólý qaǵazy qalyptastyrylady jáne respýblıka óńirleri boıynsha júk tasymaldaý júzege asyrylady. Aqmola oblysynda oblystyq Densaýlyq saqtaý basqarmasy gýmanıtarlyq kómekti bólýdi aıqyndaıdy.
Búgingi tańda Katar, Qytaı, Reseı, Túrkııa, О́zbekstan, Izraıl, Grýzııa, Serbııa, Germanııa, AQSh, BAÁ, Polsha, Shvesııa, Portýgalııadan kelgen 25-ten astam uıym, sondaı-aq qaıyrymdylyq qorlary, jeke kompanııalar jáne Dúnıejúzilik densaýlyq saqtaý uıymy óńirge gýmanıtarlyq qoldaý kórsetti.
Kelip túsken 700 myńnan astam jeke qorǵaný quraldary, dárilik zattar men medısınalyq buıymdar jumys tobynyń baqylaýymen oblystyń medısınalyq mekemelerine taratyldy.
Taýardy maqsatsyz paıdalaný múmkindigin boldyrmaý úshin dári-dármekter men buıymdardyń árbir qaptamasyna «Gýmanıtarlyq kómek. Tegin. Satýǵa bolmaıdy» arnaıy móri qoıylady.
Sonymen qatar, quramynda Sybaılas jemqorlyqqa qarsy qyzmet qyzmetkerleri, múddeli memlekettik organdar men belsendi qoǵam belsendileri bar monıtorıngtik top dárilik zattar baǵasynyń negizsiz kóterilýine jol bermeý maqsatynda óńirdiń dárihanalaryna, medısınalyq mekemeleri men qoımalaryna monıtorıng júrgizedi.
Dári-dármektiń baǵasyn kóterýdiń 32 faktisi anyqtalyp, 14 ákimshilik hattama toltyryldy.
Esterińizge sala keteıik, qandaı da bir sybaılas jemqorlyq kórinisterine, onyń ishinde densaýlyq saqtaý salasyna tap bolǵan jaǵdaıda azamattar bul týraly Sybaılas jemqorlyqqa qarsy is-qımyl agenttiginiń 1424 biryńǵaı tegin Call-ortalyǵyna habarlaı alady.
