2013 jylǵy 4 jeltoqsan, Astana, Úkimet Úıi
«Keme qujattarynyń tizbesin, nysandaryn jáne Keme qujattaryn júrgizý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 26 shildedegi № 856 qaýlysyna ózgerister
men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Keme qujattarynyń tizbesin, nysandaryn jáne Keme qujattaryn júrgizý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 26 shildedegi № 856 qaýlysyna (Qazaqstan Respýblıkasynyń PÚAJ-y, 2011 j., № 150, 669-qujat) mynadaı ózgerister men tolyqtyrý engizilsin:
taqyryby mynadaı redaksııada jazylsyn:
«Keme qujattarynyń tizbesin, Keme qujattaryn júrgizý qaǵıdalaryn jáne keme qujattaryna qoıylatyn talaptardy bekitý týraly»;
1-tarmaqta:
2) tarmaqsha alynyp tastalsyn;
3) tarmaqsha mynadaı redaksııada jazylsyn:
«3) Keme qujattaryn júrgizý qaǵıdalary jáne keme qujattaryna qoıylatyn talaptar bekitilsin.»;
kórsetilgen qaýlymen bekitilgen Keme qujattaryn júrgizý qaǵıdasynda:
taqyryby mynadaı redaksııada jazylsyn:
«Keme qujattaryn júrgizý qaǵıdalary jáne keme qujattaryna qoıylatyn talaptar»;
1-tarmaq mynadaı redaksııada jazylsyn:
«1. Osy Keme qujattaryn júrgizý qaǵıdalary jáne keme qujattaryna qoıylatyn talaptar (budan ári – Qaǵıda) «Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń Memlekettik týy astynda júzetin kemelerdegi keme qujattaryn júrgizý jáne keme qujattaryna qoıylatyn talaptardyń tártibin aıqyndaıdy.
Keme qujattaryndaǵy barlyq jazbalar memlekettik nemese orys nemese aǵylshyn tilderinde júrgiziledi.»;
5, 6 jáne 13-tarmaqtar alynyp tastalsyn;
16, 17, 18, 19, 20, 21, 22, 23 jáne 24-tarmaqtar mynadaı redaksııada jazylsyn:
«16. Keme jýrnalynyń tıtýl paraǵynda keme jýrnalynyń nómiri, kemeniń ataýy, kemeniń túri, keme ıesi týraly derekter (ataýy jáne ornalasqan mekenjaıy), Halyqaralyq teńiz uıymynyń sáıkestendirý nómiri, kemeniń tirkeý nómiri nemese shaqyrý sıgnaly, kemeniń tirkelgen porty, keme jýrnalynyń bastalǵan kúni jáne aıaqtalǵan kúni kórsetiledi.
17. Keme jýrnalyna keste túrinde mynadaı málimetter engiziledi:
1) oqıǵanyń ýaqyty;
2) gırokompas boıynsha kýrs;
3) magnıt kompasy boıynsha kýrs;
4) kemeniń turǵan jeri;
5) túsindirme jazbalar;
6) júzip ótken qashyqtyq;
7) jeldiń baǵyty men jyldamdyǵy;
8) teńiz betiniń jaı-kúıi;
9) aýa-raıynyń jaı-kúıi – kóriný;
10) atmosferalyq qysym;
11) aýanyń temperatýrasy;
12) sýdyń temperatýrasy;
13) vahtada ótkizilgen ýaqyt, árbir vahtanyń vahtalyq matrostarynyń aty-jónderi. Qajet bolǵan kezde vahtany kúsheıtý úshin shaqyrylǵan ekıpaj músheleriniń aty-jónderi jazylady.
18. Vahta jumysynyń sońynda osy Qaǵıdanyń 17-tarmaǵynda kórsetilgen málimetter týraly barlyq baǵandar toltyrylady.
19. Turaqtaǵy vahtanyń sońynda kemeniń jaı-kúıi men jaǵdaıy jazylady:
1) kemeniń aldyńǵy jáne artqy jaǵymen shógýi;
2) oryndalatyn júk operasııalary;
3) keme energetıkalyq qondyrǵysynyń (budan ári - QÁK) daıyndyǵy;
4) bortta júzý quraldarynyń bolýy;
5) tıelgen/túsirilgen júktiń mólsheri.
Eger vahta ýaqytynda ózgerister bolmasa, bas jaǵy men artqy jaǵynyń shógýi jáne qajetti is-sharalar júrgiziletin keme ıesiniń qaýipsizdikti basqarý júıesiniń chek-paraqtarynyń nómirlerin kórsete otyryp «Burynǵy qalypta turmyz» degen sóz oramy jazylady.
20. Táýlik bastalýyna arnalǵan bettiń taqyrybynda kúni, aıy jáne jyly, kemeniń júzý aýdany, kemeniń qaıdan jáne qaıda júrýi (turý ýaqytynda porttyń jáne reıdtiń ataýy kórsetiledi), reıstiń nómiri (bar bolǵan kezde), keme ýaqyty men grınvıch ýaqyty arasyndaǵy alshaqtyq kórsetiledi.
21. Oqıǵanyń ýaqyty týraly baǵandaǵy saǵatty aýystyrǵan kezde bólshek arqyly eski jáne jańa ýaqyt, kemeniń ornalasqan jeri týraly baǵanda – keme ornynyń koordınatalary, túsindirme jazbalary bar baǵanda – «Keme saǵattary bir saǵatqa alǵa/artqa aýystyryldy» degen sóz oramy jáne kemeniń jańa ýaqyty men grınvıch ýaqyty arasyndaǵy alshaqtyq jazylady.
22. Keme jýrnalynyń tıisti baǵandarynda mynalar kórsetiledi:
1) losmanmen birge júzý kezinde – losmannyń kelgen jáne ketken ýaqyty, onyń tegi men aty-jóni;
2) tirkep súıreýishtiń kómegimen ótkizý kezinde – tirkep súıreýishtiń kelýi jáne ketýi, olardyń ataýy, tirkep súıretý shemasy;
3) kemeni zákirge qoıý kezinde – zákir berilgen jerdiń koordınatalary, jolda turǵyzý sebepteri, qandaı zákir berilgen, qansha zákir shynjyry paıdalanǵany, ólshengen teńiz tereńdigi, KÁQ-nyń daıyndyǵy;
4) aılaqqa qoıý kezinde – aılaq ataýy nemese nómiri, arqandap baılaý borty, qandaı, qansha, qalaı jáne qaıda arqandap baılandy, zákirge, keme aldyńǵy nemese artqy jaǵyna shógýi;
5) keme qozǵalysyn basqarý júıesiniń áreketi aımaǵynda júzý kezinde – aımaǵyna kirýge ruqsat alǵandyǵy, kirý jáne shyǵý ýaqyty, kórsetiletin qyzmet túri, onyń bastalýy men aıaqtalýy, keme qozǵalysyn basqarý júıesiniń operatordan alynǵan málimetter;
6) daýyldy jaǵdaılarda júzý kezinde – qısaıý buryshy men terbeý kezeńi, júkti saqtaýdy qamtamasyz etý boıynsha áreket, mundaılar oryn alǵan jaǵdaıda palýbany sý alyp ketýi men tolqynnyń soǵysy;
7) kemede bala týǵan jaǵdaıda – anasynyń tegi, aty men ákesiniń aty, balanyń jynysy;
8) kemedegi ólim jaǵdaıynda – ólgen adamnyń tegi, aty men ákesiniń aty, ólý sebebi, ólgen adamnyń denesi qashan jáne kimge berildi;
9) borttaǵy qaıǵyly jaǵdaıda – jazataıym oqıǵanyń sebepteri men jaǵdaılary;
10) keme syrtynda apatqa ushyraǵan adamdarǵa kómek kórsetilgen jaǵdaıda – kómek kórsetýdiń sebepteri men jaǵdaılary;
11) keme syrtynda apatqa ushyraǵan adamdarǵa kómek kórsetilmegen jaǵdaıda – kómek kórsetpeýdiń sebepteri men jaǵdaılary;
12) ósıetterdi kýálandyrǵan kezde – ósıet qaldyrýshynyń tegi, aty men ákesiniń aty, ósıet jasalǵan kúni;
13) keme reıske shyqqan kezde – ekıpaj músheleri men jolaýshylardyń sany, otyn men sýdyń qory, qaldyq tunba, júktiń mólsheri men túri, basqarý qurylymynyń daıyndyǵy, reıske shyǵýǵa jalpy daıyndyq;
14) kemeni basqarý buıryǵy berilgende – kemeni basqarý buıryǵyn qabyldaıtyn kapıtannyń tegi, aty men ákesiniń atyn kórsete otyryp basqarýdy berý jáne oǵan kirisý faktisi. Jazba tapsyratyn jáne qabyldaıtyn kapıtandardyń qolymen bekitiledi.
23. О́rtpen kúres jáne kemeni tastap shyǵý boıynsha árbir oqý dabyly keme jýrnalynyń baǵanynda túsindirme jazbalarmen tolyq sıpattalyp jazylýy kerek. Eger oqý jınaǵy, oqý, oqý sabaǵy nemese oqý dabyly tolyq kólemde júrgizilmegen bolsa, jaǵdaıdy túsindiretin jáne júrgizilgen oqý jınaǵynyń, oqýdyń, oqý sabaǵynyń nemese oqý dabylynyń kólemi jazylady.
24. Konvensııa talaptarynyń oryndalýyn tirkeý keste túrinde júrgiziledi jáne kapıtannyń aǵa kómekshisi qol qoıady. Qajetti tolyqtyrýlar men tolyq maǵlumattar keme jýrnalynyń baǵanynda túsindirme jazbalarmen jazylady.»;
25, 26, 27, 28, 29, 30, 31, 32, 33, 34, 35 ,36 ,37, 38, 39, 40, 41, 42, 43, 44, 45, 46, 47, 48, 49, 50, 51, 52 jáne 62-tarmaqtar alynyp tastalsyn;
71-tarmaq mynadaı redaksııada jazylsyn:
«71. Radıojýrnaldyń tıtýl paraǵynda radıojýrnaldyń nómiri, kemeniń ataýy, kemeniń túri, kemeniń tirkeý nómiri nemese shaqyrý sıgnaly, Halyqaralyq teńiz uıymynyń sáıkestendirý nómiri, jalpy syıymdylyq, keme tirkelgen porty, keme ıesi týraly derekter (ataýy jáne ornalasqan mekenjaıy), radıojýrnaldyń bastalǵan jáne aıaqtalǵan kúnderi kórsetiledi.»;
79 jáne 86-tarmaqtar alynyp tastalsyn;
mynadaı mazmundaǵy 87-1-tarmaqpen tolyqtyrylsyn:
«87-1. Mashına jýrnalynyń tıtýl paraǵynda mashına jýrnalynyń nómiri, kemeniń ataýy, QÁK-tyń túri jáne qýaty, kemeniń tirkeý nómiri nemese shaqyrý sıgnaly, Halyqaralyq teńiz uıymynyń sáıkestendirý nómiri, keme tirkelgen porty, keme ıesi týraly derekter (ataýy jáne ornalasqan mekenjaıy), mashına jýrnalynyń bastalǵan jáne aıaqtalǵan kúnderi kórsetiledi.»;
103-tarmaq alynyp tastalsyn;
104-tarmaq mynadaı redaksııada jazylsyn:
«104. Jýrnaldyń tıtýl paraǵynda jýrnaldyń nómiri, kemeniń ataýy, kemeniń tirkeý nómiri nemese shaqyrý sıgnaly, Halyqaralyq teńiz uıymynyń sáıkestendirý nómiri, jalpy syıymdylyq, keme ıesi týraly derekter (ataýy jáne ornalasqan mekenjaıy), ekıpaj múshelerin ornalastyrýǵa arnalǵan orynnyń sany, kemeniń jasalǵan jyly, jolaýshylardy jáne tolyqtyrǵysh personaly ornalastyrý ornynyń sany, jýrnaldyń bastalǵan jáne aıaqtalǵan kúnderi kórsetiledi.»;
105-tarmaq alynyp tastalsyn;
113-tarmaq mynadaı redaksııada jazylsyn:
«113. Jýrnaldyń tıtýl paraǵynda jýrnaldyń nómiri, kemeniń ataýy, kemeniń tirkeý nómiri nemese shaqyrý sıgnaly, Halyqaralyq teńiz uıymynyń sáıkestendirý nómiri, jýrnaldyń bastalǵan jáne aıaqtalǵan kúnderi kórsetiledi.»;
116-tarmaq alynyp tastalsyn;
123 jáne 124-tarmaqtar mynadaı redaksııada jazylsyn:
«123. Jýrnaldyń tıtýl paraǵynda jýrnaldyń nómiri, kemeniń ataýy, kemeniń tirkeý nómiri nemese shaqyrý sıgnaly, jalpy syıymdylyq, keme tirkelgen porty, jýrnaldyń bastalǵan jáne aıaqtalǵan kúnderi kórsetiledi.
124. Jýrnalda osy Qaǵıdaǵa 2-qosymshaǵa sáıkes tirkeýge jatatyn tarmaqtar tizbesinde kórsetilgen mashına bóliminiń operasııalary tirkeledi.»;
128-tarmaq alyp tastalsyn;
134 jáne 135-tarmaqtar mynadaı redaksııada jazylsyn:
«134. Jýrnaldyń tıtýl paraǵynda jýrnaldyń nómiri, kemeniń ataýy, kemeniń tirkeý nómiri nemese shaqyrý sıgnaly, jalpy syıymdylyq, keme tirkelgen porty, jýrnaldyń bastalǵan jáne aıaqtalǵan kúnderi kórsetiledi.
135. Jýrnalda osy Qaǵıdaǵa 3-qosymshaǵa sáıkes tirkeýge jatatyn tarmaqtar tizbesinde kórsetilgen júk jáne teńgerim operasııalary tirkeledi.»;
139-tarmaq alynyp tastalsyn;
10-taraý mynadaı redaksııada jazylsyn:
«10. Keme qujattaryna qoıylatyn talaptar
141. Kemede kóshirmesin osy qujatty bergen organ rastaǵan nemese notarıýs kýálandyrǵan kemege menshik quqyǵy týraly kýálikten basqa, keme qujattarynyń túpnusqalary bolýy tıis.
142. Kemedegi barlyq jýrnaldar Qazaqstan Respýblıkasynyń Memlekettik týyn kóterip júzýge quqyq alǵan sátinen bastap, quqyǵy saqtalǵan búkil ýaqyt kezeńi boıy júrgiziledi.
143. Kemedegi barlyq jýrnaldar nómirlenýi, tigilýi jáne ony kemeniń tirkeý teńiz portynyń kapıtany rastaýy tıis, al keme jeke menshikke Qazaqstan Respýblıkasynan sheginen tys jerde satyp alynǵan jaǵdaıda - Qazaqstan Respýblıkasynyń konsýldyq mekemesiniń basshysy rastaıdy.
144. Kemedegi jýrnaldardyń sońǵy betterinde mórtabanmen kemeniń tirkeý portynyń tizilimi boıynsha jýrnalynyń nómiri, nómirlengen jáne tigilgen betterdiń sany, keme tirkelgen portynyń ataýy kórsetiledi. Kemeniń tirkeý portynyń tizilimi boıynsha jýrnaldardyń nómirleri jýrnaldardyń tıtýl paraǵynda da kórsetiledi.
145. Barlyq jýrnaldar keme bortynda sońǵy jazba engizilgennen keıin úsh jyl ishinde saqtalady, odan keıin keme ıesiniń muraǵatyna tapsyrylady.
146. Teńiz kemesiniń Qazaqstan Respýblıkasynyń Memlekettik týyn kóterip júzý jáne kemege menshik quqyǵy týraly kýálikterdi kemeni Qazaqstan Respýblıkasynyń kemeler tiziliminiń birine engizgennen keıin kemeni tirkeýdi júzege asyratyn organ beredi. Kórsetilgen kýálikterge nysandar, berý tártibi jáne qoıylatyn talaptar Qazaqstan Respýblıkasy Úkimetiniń 2003 jylǵy 17 qańtardaǵy № 49 qaýlysymen bekitilgen Kemeler men olarǵa quqyqtardy memlekettik tirkeý erejesimen reglamentteledi.
147. Osy qaýlymen bekitilgen keme qujattary tizbesiniń 11–17-tarmaqtarynda kórsetilgen kýálikterdi (budan ári – kýálikter) keme qatynasynyń tirkelimi jáne «Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasynyń Zańyna sáıkes tanylǵan sheteldik synyptaý qoǵamdary beredi. Kórsetilgen kýálikterdiń nysandary, berý tártibi jáne qoıylatyn talaptar Qazaqstan Respýblıkasy ratıfıkasııalaǵan halyqaralyq sharttarmen jáne keme qatynasynyń tirkelimi qaǵıdalarymen reglamentteledi.
148. Kýálikter memlekettik nemese orys nemese aǵylshyn tilderinde jasalady.
149. Kýálikterde olardyń Qazaqstan Respýblıkasy Úkimetiniń ókilettigi boıynsha berilgeni kórsetiledi.»
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
