Kezdesý barysynda mınıstr Prezıdentke О́zbekstan kóshbasshysynyń Tashkent qalasynda «Ortalyq Azııa jáne Ońtústik Azııa: óńirlik ózara baılanystar. Syn-qaterler men múmkindikter» atty halyqaralyq konferensııa ótkizý týraly bastamasyna qoldaý bildirý týraly ótinishin jetkizdi.
Sonymen qatar Qazaqstan men О́zbekstan arasyndaǵy berik dostyq pen tatý kórshilikke negizdelgen strategııalyq seriktestiktiń qazirgi ahýaly jáne ony ári qaraı nyǵaıtýdyń perspektıvalary talqylandy.
Qasym-Jomart Toqaev álemdegi kúrdeli jaǵdaıǵa jáne pandemııaǵa qaramastan eki eldiń qarym-qatynastary joǵary deńgeıde ekenin, qazirgi syn-qaterlerge ornyqty tótep berip otyrǵanyn aıtty.
Kezdesý sońynda Qasym-Jomart Toqaev Shavkat Mırzııoevqa zor densaýlyq jáne baq-bereke tilegen sálemin joldap, О́zbekstan Prezıdenti epıdemııalyq ahýal jaqsarǵannan keıin Qazaqstanǵa saparmen keletinine senim bildirdi.
