2013 jylǵy 5 jeltoqsan, Astana, Úkimet Úıi
«Temir jol jáne áýe kóliginde órt qaýipsizdigi jónindegi aldyn alý
jumystaryn júrgizý jáne órt saldarlaryn joıý erejesin bekitý týraly»
Qazaqstan Respýblıkasy Úkimetiniń 2008 jylǵy 16 aqpandaǵy №148
qaýlysyna ózgeris pen tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Temir jol jáne áýe kóliginde órt qaýipsizdigi jónindegi aldyn alý jumystaryn júrgizý jáne órt saldarlaryn joıý erejesin bekitý týraly» Qazaqstan Respýblıkasy Úkimetiniń 2008 jylǵy 16 aqpandaǵy №148 qaýlysyna (Qazaqstan Respýblıkasy PÚAJ-y, 2008 j., №7, 80-qujat) mynadaı ózgeris pen tolyqtyrýlar engizilsin:
taqyryby mynadaı redaksııada jazylsyn:
«Temir jol, áýe kóliginde jáne metropolıtende órt qaýipsizdigi boıynsha aldyn alý jumystaryn júrgizý jáne órtterdiń saldaryn joıý erejelerin bekitý týraly»;
1-tarmaqtyń 3) tarmaqshasyndaǵy «erejesi bekitilsin.» degen sózder «erejesi;» degen sózben aýystyrylyp, mynadaı mazmundaǵy 4) tarmaqshamen tolyqtyrylsyn:
«4) Metropolıtende órt qaýipsizdigi boıynsha aldyn alý jumystaryn júrgizý jáne órtterdiń saldaryn joıý erejesi bekitilsin.»;
osy qaýlyǵa qosymshaǵa sáıkes qosymshamen tolyqtyrylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 5 jeltoqsandaǵy №1318 qaýlysyna qosymsha
Qazaqstan Respýblıkasy Úkimetiniń 2008 jylǵy 16 aqpandaǵy №148 qaýlysymen bekitilgen
Metropolıtende órt qaýipsizdigi boıynsha aldyn alý
jumystaryn júrgizý jáne órtterdiń saldaryn joıý erejesi
1. Jalpy talaptar
1. Osy Metropolıtende órt qaýipsizdigi boıynsha aldyn alý jumystaryn júrgizý jáne órtterdiń saldaryn joıý erejesi (budan ári – Ereje) «Qazaqstan Respýblıkasyndaǵy kólik týraly», «О́rt qaýipsizdigi týraly» Qazaqstan Respýblıkasynyń zańdaryna sáıkes ázirlendi ári metropolıtende órt qaýipsizdigi boıynsha aldyn alý jumystaryn júrgizý jáne órtterdiń saldaryn joıý tártibin anyqtaıdy.
2. Erejede mynadaı negizgi uǵymdar qoldanylady:
1) dıspetcherlik qyzmet – metropolıtenniń jyljymaly quramynyń qozǵalysyn basqarýdy jáne qozǵalys kestesiniń saqtalýyn úzdiksiz baqylaýdy júzege asyratyn qyzmet;
2) metropolıten jolaýshysy – jol júrý qujaty (bıleti) bar jáne metropolıtende jol júretin jeke tulǵa;
3) metropolıtenniń kólik kásiporny – Qazaqstan Respýblıkasynyń zańnamasyna sáıkes is-qımyl jasaıtyn jolaýshylardy, bagajdy metropolıtenniń jyljymaly quramymen tasymaldaý, kólik quraldaryn saqtaý, olarǵa tehnıkalyq qyzmet kórsetý jáne jóndeý jónindegi qyzmetpen aınalysatyn zańdy tulǵa;
4) metropolıten – kóliktiń ózge túrleriniń jelilerinen jáne jaıaý júrginshilerdiń olarǵa ótý jolynan oqshaýlanǵan (bólingen, bir deńgeıdegi qıylystary joq) joldar boıynsha jolaýshylar men bagajdy áleýmettik mańyzy bar turaqty tasymaldaýdy júzege asyratyn qalalyq relstik kólik túri;
5) metropolıtenniń órtke qarsy qyzmeti – metropolıtende órt qaýipsizdigi boıynsha aldyn alý jumystaryn júrgizý jáne órtterdiń saldaryn joıý úshin qurylatyn metropolıtenniń kólik kásipornynyń qurylymdyq bólimshesi;
6) eskalator – adamdardyń bir deńgeıden ekinshi deńgeıine aýysýy úshin qozǵalmaly baspaldaqtary bar baspaldaq túrindegi kótergish-kólik qondyrǵysy;
7) metropolıtenniń jyljymaly quramy – bir nemese birneshe vagondyq seksııalardan turatyn jáne jolaýshylardy tasymaldaýǵa arnalǵan jyljymaly quram.
2. Metropolıtende órt qaýipsizdigi boıynsha aldyn alý jumystaryn júrgizý tártibi
3. Metropolıtendegi órt qaýipsizdigi boıynsha aldyn alý jumysy mynalardy qamtıdy:
1) metropolıten obektilerinde josparly tekserýlerdi júrgizý (jylyna keminde eki ret);
2) metropolıten obektilerinde turaqty baqylaý maqsatyndaǵy tekserýlerdi júrgizý;
3) belgilengen órtke qarsy normalar men qaǵıdalardyń saqtalýyn baqylaý;
4) metropolıten obektilerinde órt qaýipsizdigin qamtamasyz etý boıynsha anyqtalǵan kemshilikterdi joıý;
5) órt qaýipsizdigin qamtamasyz etýge baǵyttalǵan qujattardy ázirleý;
6) órt qaýipsizdigi sharalary jáne órt týyndaǵan jaǵdaıda is-qımyldar týraly metropolıtenniń kólik kásiporny qyzmetkerlerimen túsindirý jumystaryn júrgizý.
4. Aldyn alý jumystaryn osy Erejeniń 3-tarmaǵynda kórsetilgen is-sharalardy júrgizý jolymen metropolıtenniń órtke qarsy qyzmeti júzege asyrady.
5. Metropolıten obektilerinde josparly tekserýdi júrgizý kezinde mynalar:
1) órt qaýipsizdiginiń sharalary týraly nusqaýlyqtardyń bolýy jáne olardy saqtaý deńgeıi;
2) obektiniń órt qaýipsizdiginiń naqty jaı-kúıiniń belgilengen órtke qarsy normalar men qaǵıdalarǵa sáıkestigi;
3) buryn belgilengen órtke qarsy is-sharalardyń oryndalý deńgeıi;
4) metropolıtenniń árbir stansııasynda jedel órt sóndirý josparynyń, órt qaýipsizdiginiń sharalary týraly talaptarynyń, jolaýshylardy evakýasııalaý josparynyń, tútindengen nemese órt bolǵan jaǵdaıda, tonnel jeldetkishiniń shahtasy jumysy istegende metropolıten jumyskerleriniń is-qımyl jasaý tártibiniń bolýyn belgileıdi.
Kórsetilgen qujattar stansııa kezekshisiniń úı-jaıynda, jedel órt sóndirý josparynyń ekinshi danasy kassada aǵa kassırde saqtalady jáne órt sóndirý basshysynyń birinshi talaby boıynsha beriledi;
5) órt baılanysynyń, órt sóndirýdiń bastapqy quraldarynyń jáne órt avtomatıkasy men sıgnalızasııa qondyrǵylarynyń bolýy jáne tehnıkalyq jaı-kúıi;
6) metropolıtenniń dıspetcherlik qyzmetiniń jáne stansııa kezekshileriniń úı-jaılarynda (órt sóndirý beketinde) órt týraly jáne órt sóndirý avtomatıkasy men sıgnalızasııa qondyrǵylarynyń (júıeleriniń) jumys istemeı turǵandyǵy jóninde sıgnaldar alǵan kezde, metropolıtenniń kólik kásipornynyń basshysy bekitken jedel (kezekshi) personaldyń is-qımyldary týraly nusqaýlyqtyń bolýy;
7) dıspetcherlik qyzmettiń úı-jaılarynda radıoalmasý aqparatyn jazý úshin qondyrǵynyń bolýy anyqtalady.
6. Aldyn alý jumystaryn júrgizý sheńberinde metropolıtenniń kólik kásipornynyń basshysy memlekettik órtke qarsy qyzmettiń aýmaqtyq organymen kelisim boıynsha metropolıtenniń jyljymaly quramynda jáne obektilerinde órtti sóndirý jáne avarııalyq-qutqarý jumystaryn júrgizý kezinde metropolıtenniń órtke qarsy qyzmetiniń memlekettik órtke qarsy qyzmettiń aýmaqtyq organymen ózara is-qımyl jasaý týraly nusqaýlyqty (budan ári – Nusqaýlyq) ázirleıdi jáne bekitedi.
Nusqaýlyq bir jylda keminde bir ret túzetiledi, sondaı-aq tehnologııalyq prosess pen jumys sharttary ózgergen kezde pysyqtaýǵa jatady.
7. О́rt sóndirý qyzmeti josparly tekserýlerdiń, kúndelikti baqylaý maqsatyndaǵy tekserýlerdiń nátıjeleri boıynsha mynadaı sharalar qabyldaıdy:
1) josparly tekserýdiń aktisi jasalady, onda órt qaýipsizdigin qamtamasyz etýdiń jaı-kúıi aıqyndalady, anyqtalǵan buzýshylyqtary belgilenedi, anyqtalǵan buzýshylyqtardy joıýdyń naqty merzimderi jáne oryndaýshylary aıqyndalady. Josparly tekserý aktisin metropolıtenniń kólik kásipornynyń basshysy bekitedi;
2) metropolıtenniń kólik kásipornynyń basshysyna obektilerdegi órt qaýipsizdiginiń jaı-kúıi týraly jazbasha baıandaıdy, ony jaqsartý boıynsha usynystar engizedi jáne anyqtalǵan buzýshylyqtardy joıý boıynsha sharalar qabyldaıdy.
3. Metropolıtende órtterdiń saldaryn joıý tártibi
8. О́rtterdiń saldaryn joıý úshin órtke qarsy qyzmet birinshi kezektegi tapsyrmalardy belgileıdi, olarǵa:
1) órtterdiń saldaryn baǵalaý;
2) metropolıtenniń stansııalarynda, tonnelderinde jáne jyljymaly quramynda adamdardyń bar (nemese joq) bolýyn tekserý;
3) metropolıtenniń qosymsha kúshteri men quraldaryn tartý týraly sheshimdi qabyldaý kiredi.
9. О́rtterdiń saldaryn joıý boıynsha jumystardy uıymdastyrý úshin órt bolǵan metropolıten obektilerinde shtab uıymdastyrylady.
Shtab órtterdiń saldary týraly aqparatty qaraıdy, olardy joıý boıynsha jospardy qalyptastyrady, ony metropolıtenniń kólik kásipornynyń basshysy bekitedi.
Shtabty jumyspen qamtamasyz etý metropolıtenniń kólik kásipornynyń basshysyna júkteledi.
10. О́rtterdiń saldaryn joıý kezinde mynalar:
1) halyqty qaýipti aımaqtan evakýasııalaý;
2) metropolıtenniń kólik kásipornynyń qajetti materıaldyq-tehnıkalyq resýrstaryn jumyldyrý;
3) órt bolǵan metropolıten obektisiniń jumysyn toqtatý nemese ýaqytsha toqtatý;
4) metropolıten obektisiniń jumys rejımin ózgertý;
5) jolaýshylardyń qozǵalýyna shekteý (karantın) qoıý jatady.
