2013 jylǵy 25 jeltoqsan, Astana, Úkimet Úıi
«Avtokólik quraldarynyń qaýipsizdigine qoıylatyn talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 9 shildedegi № 675 qaýlysyna ózgeris pen tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Avtokólik quraldarynyń qaýipsizdigine qoıylatyn talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jyly 9 shildedegi № 675 qaýlysyna (Qazaqstan Respýblıkasynyń PÚAJ-y, 2008j., 32, 334-qujat) mynadaı ózgeris pen tolyqtyrýlar engizilsin.
kórsetilgen qaýlymen bekitilgen «Avtokólik quraldarynyń qaýipsizdigine qoıylatyn talaptar» tehnıkalyq reglamentinde:
1-tarmaqtyń ekinshi bóligi mynadaı mazmundaǵy abzaspen tolyqtyrylsyn:
«memlekettik qorǵanys tapsyrysy sheńberinde satyp alynatyn avtokólik quraldary;»;
2-tarmaq mynadaı abzastarmen tolyqtyrylsyn:
«kúndizgi júris shamy – alǵa baǵyttalǵan jáne kúndizgi ýaqytta qozǵalý kezinde kólik quralynyń kórinýin arttyrý úshin paıdalanylatyn sham;
ımmobılaızer (ımmobılızator) – kólik quralyn onyń menshikti qozǵaltqyshynyń tartqyshy esebinen paıdalanýdyń aldyn alýǵa (sanksııalanbaǵan paıdalanýdyń aldyn alýǵa) arnalǵan qurylǵy;
ISOFIX bekitý júıesi – eki qatty korpýstyq bekitpishpen, balalarǵa arnalǵan ustaýshy júıedegi eki tıisti qatty bekitkish elementpen jáne balalarǵa arnalǵan ustaýshy júıeniń buryshtyq jyljý erkindigin shekteıtin aılabuıymmen jabdyqtalǵan, balalarǵa arnalǵan ustaýshy júıelerdi kólik quraldarymen jalǵastyrý júıesi;
jańa avtokólik quraldary – 3 jyldan aspaǵan jáne buryn Qazaqstan Respýblıkasynyń ne basqa memleketterdiń aýmaǵynda paıdalanýda bolmaǵan avtokólik quraldary;
qaýipsizdik jastyǵy – mehanıkalyq kólik quraldarynda qaýipsizdik belbeýine jáne ustap qalýshy júıelerge qosymsha ornatylatyn qurylǵy, ol kólik quralyna áser etetin qatty soqqy jaǵdaıynda nátıjesinde qandaı da bir dene bóligi nemese bólikteri salonnyń elementterimen janasqanda kólik quralynyń júrgizýshisi nemese jolaýshy ushyraıtyn soqqy kúshin gaz syǵyndysy arqyly shekteýge arnalǵan tıisti sozylmaly quramdaýyshty avtomatty túrde ashady;
paıdalaný – kólik quralynyń tirshilik sıkliniń satysy, onda onyń memlekettik tirkelgen sátinen bastap kádege jaratýǵa deıin maqsaty boıynsha paıdalanylýy júzege asyrylady;»;
11-tarmaq mynadaı redaksııada jarııalansyn:
«11. Qazaqstan Respýblıkasynyń aýmaǵynda aınalymǵa shyǵarylatyn avtokólik quraldarynda paıdalanylǵan gazdy beıtaraptandyrý júıesi bolýy tıis jáne olar sáıkestikti rastaýǵa jatady.
Qazaqstan Respýblıkasynyń aýmaǵynda aınalymǵa shyǵarylatyn MI sanatyndaǵy jańa avtokólik quraldarynda tejegishti buǵattaýǵa qarsy júıe, frontaldi qaýipsizdik jastyǵy, ISOFIX bekitý júıeleri, kúndizgi júris shamdary jáne ımmobılaızer (ımmobolızator) bolǵan kezde sáıkestikti rastaýǵa jol beriledi.
Avtokólik quraldarynyń sáıkestigin rastaýdy sáıkestikti rastaý jónindegi organ sáıkestik sertıfıkattaryn berý arqyly júzege asyrady.
Keden odaǵyna qatysýshy elderde shyǵarylǵan avtokólik quraldary úshin osy tarmaqtyń ekinshi bóligine kózdelgen talap 2015 jylǵy 1 qańtardan bastap qoldanysqa engiziledi.».
2. Osy tarmaqtyń alǵashqy resmı jarııalanǵan kúninen keıin kúntizbelik on ún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
