Jol qurylysyna qoldanylǵan materıaldardan 2199 synama alyndy. Olardyń 1 myńǵa jýyǵynyń sapasy talapqa saı emes, dep habarlaıdy «JAUSO» RMK baspasóz qyzmeti.
Respýblıkalyq mańyzdaǵy joldarda 217 ret baqylaý júrip, 13 nysan tekserildi. Alynǵan 168 synamanyń 9-y talaptarǵa saı kelmeı shyqty. Budan bólek 128 ártúrli aqaýlyqtar tabyldy. Olardy joıý úshin merdiger mekemeler men olardyń qyzmetine tapsyrys berýshi ákimdik bólimderine 27 ret qyzmettik hat jazyldy.
Jergilikti mańyzdaǵy joldarda 109 ret baqylaý reıdi jasalyp, 16 nysan tekserildi. Jol ınjenerleri alǵan 1089 synamanyń 393-i normatıvti tehnıkalyq qujattar talaptaryna saı kelmeı shyqty. Sondaı-aq bul joldardan 31 aqaýlyq tabyldy. Tıisti oryndarǵa 26 ret hat joldandy.
Qalaishilik, aýdanishilik jáne aýylishilik kólik joldarynda 21 ret tekserý júrgizilip, 17 nysannan barlyǵy 501 synama alyndy. Onyń 90-y talapqa saı emes. Jaýapty tulǵalarǵa 71 qyzmettik hat jiberilip, kemshilik tabylǵan jerler kórsetildi.
Jalpy Mańǵystaý oblysynda avtomobıl joldarynyń jalpy uzyndyǵy 2948 shaqyrymdy quraıdy. Onyń ishinde respýblıkalyq mańyzdaǵysy - 1020 shaqyrym, 1928 shaqyrym joldar - oblystyq jáne jergilikti mańyzǵa ıe.
