Kelisim aıasynda kásipkerlerdiń bir-birin tabýy jeńildeıdi. Saýda erejeleri boıynsha aqparat almasý jolǵa qoıylady. Kórmeler, forýmdar men kezdesýler turaqty ótedi. Qajet bolǵan jaǵdaıda shetelde ókildik ashý múmkindigi de qarastyrylǵan.
Kezdesýge eki taraptyń jaýapty ókilderi qatysty. Qazaqstan jaǵynan QazTrade ókilderi, al arab elderi tarapynan iskerlik keńes basshylyǵy keldi. Sondaı aq «Karat» JShS men strategııalyq brendıng agenttiginiń jetekshisi Shahzada Shogelbaeva óz usynystaryn aıtty. Bul naryqtyń basty ereksheligi – tutynýshy sanynyń kóptigi. Mekke men Mádınaǵa aı saıyn shamamen 2 mln adam keledi. Sondyqtan ónim sapasy birkelki, qujattary tolyq, jetkizý ýaqyty naqty bolýy tıis.
Arab tarapy senimdilik pen kólemge erekshe mán berdi. Osyǵan baılanysty qazaqstandyq kompanııalar aldyn ala daıyndalýy qajet. Tańbalaý, qaptama, sertıfıkat jáne basqa qujattar talapqa saı bolýy shart. Memorandým kezdeısoq baılanystardy azaıtady. Endi kelissózder júıeli túrde júrgiziledi. Ortaq is-sharalar jospary jasalady. Seriktesterdi irikteý tártibi belgilenedi. Bul kásipkerlerdiń ýaqytyn únemdeıdi.
«Taza paraqtan» retteý: Kásipkerlerden qandaı ótinishter kelip jatyr?
Kezdesýde logıstıka máselesi de qozǵaldy. Ásirese azyq túlik pen dári dármek salasynda talap joǵary. Sertıfıkattaý men qujattardy úılestirý basty shart bolyp qala beredi. Qazir júk kóbine Dýbaı arqyly ótedi. Bul jol uzaqqa sozylady. Sondyqtan tikeleı reıster men jańa baǵyttar ónim baǵasy men sapasyna tikeleı áser etedi.
Naryqta turaqty jumys isteý úshin saýda ókildigin ashý jáne kórmeler uıymdastyrý josparlanǵan. Bul satyp alýshylarmen tikeleı baılanys ornatýǵa múmkindik beredi.
