Endi eger atqarylatyn jumysta eńbek qatynastaryna tán keminde bir belgi bolsa, jeke tulǵamen azamattyq-quqyqtyq shart jasasýǵa tyıym salynady. Bul norma qyzmetkerdi áleýmettik kepildikterden aıyrý tájirıbesine tosqaýyl qoıýdy kózdeıdi.
Qabyldanǵan túzetýlerge sáıkes, ujymdyq sharttarda jalaqynyń eń tómengi jáne eń joǵary mólsherine qoıylatyn talaptar mindetti túrde kórsetiledi. Sondaı-aq járdemaqylar men ótemaqylardyń barlyq túri, onyń ishinde óndiristegi jazataıym oqıǵalarǵa baılanysty tólemder de naqty jazylýǵa tıis.
О́ndiristik jaraqattyń aýyrlyq deńgeıin aıqyndaý tártibi endi densaýlyq saqtaý organy arqyly bekitiledi. Bul sheshim eńbek daýlary kezinde medısınalyq qorytyndylardyń birizdi ári obektıvti bolýyn qamtamasyz etýge baǵyttalǵan.
Sonymen qatar kelisý komıssııasynyń jumysyna deldal tartý tártibi naqtylanyp, eńbek daýlaryn retteý tetikteri aıqyndaldy. Al eńbek qaýipsizdigi jónindegi mamannyń tikeleı uıym basshysyna baǵynýy týraly norma engizilip, jumys berýshiniń jaýapkershiligi kúsheıtildi.
Jalpy alǵanda, qabyldanǵan túzetýler eńbek qatynastaryn zań aıasynda rásimdeýdi talap etip, jumys berýshi men qyzmetker arasyndaǵy jaýapkershilik teńgerimin nyǵaıtýǵa baǵyttalǵan.
