Biliktilikti arttyrý, áskerı ǵylym salasynda zerdelengen taqyryptardy qaıtalaý jáne «Taktık» oqytý kýrsy barysynda jas ofıserlerge jańa taqyryptardy meńgerý múmkindigi usynyldy.
Bolashaqta óz áskerı qyzmetinde jas ofıserler bir saty joǵary kóteriledi jáne qazir olarǵa bilim deńgeıin kóterý qajet. Sondyqtan soǵys qımyldaryn josparlaý men júrgizýde jańa kózqaras pen tereń bilim talap etiledi. Bul rette áskerı ýnıversıtette oqyǵannyń bárin eske túsirý, oqý kýrsynan ótý jáne aǵa ofıserlerdiń tájirıbesin qabyldaý artyq bolmaıdy.
Bul «Taktık» kýrsyn ótkizýdiń maqsaty ofıserlerden buryn alǵan bilimderin qalyptastyrý jáne bekitý, olardy jalpy áskerı urys júrgizýdiń jańa ádistemelerimen tanystyrý, qazirgi zamanǵy jaýyngerlik prosesti tıimdi uıymdastyrýǵa jáne senip tapsyrylǵan bólimsheniń jaýyngerlik múmkindikterin sheber paıdalanýǵa úıretý bolyp tabylady.
Instıtýttyń basshylyq jáne oqytýshylyq quramy qatarynan joǵary kásibı mamandar vzvod komandırlerin sheshim qabyldaýdy, jaýyngerlik mindetterdi qoıý tártibine, jaǵdaıdy baǵalaı bilýge jáne ózara is-qımyldy uıymdastyra bilýge úıretedi.
– Maǵan «Taktık» kýrsynan ótý múmkindigi berilgenine qýanyshtymyn. Bizdiń oqytýshylarymyzdyń áskerlerde qyzmet etýiniń praktıkalyq tájirıbesi mol jáne olardyń keńesteri men nusqaýlary biz úshin qundy. Olardyń kómegimen men kóptegen jańa paıdaly bilim aldym, - dep kýrs tyńdaýshysy aǵa leıtenant Asan Áshim atap ótti.
Kýrs tyńdaýshylary oqýdyń sońynda negizgi pánder boıynsha keshendi emtıhandar tapsyrady.
