Sapar barysynda Glýbokoe aýdanynyń ákimi T.Rahymjanovanyń, «Shyǵys - Adaldyq Alańy» jobalyq keńsesiniń basshysy M. Bahyt, óńirlik aqparattyq-aǵartýshylyq shtabynyń basshysy A. Esimbekovanyń, ákimdik apparatynyń basshylyǵynyń, ZOOM rejımine qosylǵan aýdannyń 17 aýyldyq okrýgteri men kentteri ákimderiniń, sondaı-aq BAQ jáne aýdan jurtshylyǵy ókilderiniń qatysýymen selektorlyq keńes ótkizildi.
Keńes barysynda óńirdiń Sybaılas jemqorlyqqa qarsy qyzmetiniń basshysy, sybaılas jemqorlyqqa qarsy is-qımyl sharalaryn kúsheıtý boıynsha jańa zańnamalyq ózgeristerdi egjeı-tegjeıli túsindirdi. Atap aıtqanda, birinshi basshylardyń qol astyndaǵylardyń sybaılas jemqorlyq úshin derbes jaýapkershiligin engizý, sybaılas jemqorlyq faktileri týraly habarlaǵany úshin azamattardy kótermeleýdiń saralanǵan júıesi, memlekettik qyzmetshiler men olardyń otbasylaryna syılyqtar alýǵa tolyq tyıym salýdy engizý, sybaılas jemqorlyq sýbektileriniń quramyn keńeıtý jáne para bergeni jáne paraqorlyqqa deldal bolǵany, sondaı-aq kásipkerlik qyzmetke zańsyz aralasqany úshin jaýapkershilikti qatańdatý týraly anyq túsindirip berdi.
«Qylmystyq kodekske kásipkerlerdiń jumysyna kedergi keltirgeni úshin jaýapkershilikti kúsheıtetin túzetýler engizildi. Endi bızneske aralasqany úshin segiz jylǵa deıin bas bostandyǵynan aıyrý jazasy qarastyrylǵan», - dedi E.Jalmaǵambet.
Transparency Kazakhstan úkimettik emes halyqaralyq uıymy júrgizgen Qazaqstandaǵy sybaılas jemqorlyqtyń jaı - kúıine monıtorıng nátıjeleri boıynsha kásipkerlerdiń - 48,1% ótken jyly oblysta sybaılas jemqorlyqtyń tómendegenin kórsetedi.
Qorytyndylaı kele, oblystyń sybaılas jemqorlyqqa qarsy qyzmetiniń basshysy barlyǵyn zańsyz syıaqy tóleý nemese alý arqyly máselelerdi sheshýge jol bermeý boıynsha keń túsindirý jumystaryn júrgizýge shaqyrdy.
Sondaı-aq, E.Jalmaǵambet aýdan ákimdiginiń «ASHYQ AKIMDIK» servıstik ortalyǵynyń jumysymen tanysty. Atalǵan servıstik ákimdik «Open space» formatynda jumys isteıdi, sol arqyly memlekettik organnyń azamattar úshin ashyqtyǵyn, eseptiligi men qoljetimdiligin qamtamasyz etiledi.
Glýbokoe aýdany ákiminiń apparatyna Beloýsovka kentinde qyzmet kórsetýdiń servıstik modelinde ákimdik ashý qajettiligi boıynsha usynymdar engizildi.
