Aımaqtar • 19 Aqpan, 2021

Qaraǵandy oblysynda sport salasyna aıryqsha kóńil bólingen

7 ret kórsetildi

Jeńis Qasymbektiń onlaın esep berýinde sport salasyna aıryqsha kóńil bólinip otyrǵany atap ótildi, dep habarlaıdy Egemen.kz oblys ákiminiń baspasóz qyzmetine silteme jasap.

Ásirese, aýyldaǵy sport ınfraqurylymyn damytýdyń jiti nazarda ekendigi aıtyldy. Mysaly, búginde óńirde  alty birdeı dene shynyqtyrý-saýyqtyrý kesheniniń (DShSK) qurylysy júrip jatyr.

 – 2020 jyly sport nysandaryn salýǵa jáne jóndeýge 11 mlrd teńgeden astam qarajat bólindi. Qarqaraly men Temirtaýda jańa dene shynyqtyrý-saýyqtyrý keshenderi ashyldy. Bıyl taǵy altaýyn qalalarda ǵana emes, shalǵaı aýyldarda da salyp jatyrmyz, – dedi oblys ákimi.

Búginde Qarqaraly aýdanyndaǵy Egindibulaq kentinde «Aýyl – El besigi» arnaıy jobasy aıasynda 100 oryndyq DSK qurylysy bıyl bastalyp, kelesi jyly aıaqtalady. Bul máseleni kent turǵyndary kópten beri kóterip kelgen edi.

Sondaı-aq, Ulytaý aýdanyndaǵy Qarsaqbaı kentinde júrgizilip jatqan DSK qurylysy da aıaqtalýǵa jaqyn. Bul nysannyń qurylysy «Jumyspen qamtýdyń jol kartasy» baǵdarlamasy boıynsha qarjylandyryldy. Sátin salsa, qurylysy byltyr bastalǵan keshen bıyl ashylady dep josparlanǵan.

Sonymen qatar, oblys basshysy eseptik kezdesýde aldaǵy eki jylda jańa sport nysandarynyń ashylatynyn málim etti. Atap aıtqanda, Shahtınsk qalasynda, Ulytaý aýdanynyń Jezdi aýylynda, Buqar jyraý aýdanynyń Botaqara kentinde dene shynyqtyrý-saýyqtyrý keshenderiniń qurylysy bıyl aıaqtalady. Al Jezqazǵandaǵy DShSK qurylysyn bitirý kelesi jyldyń enshisinde.

Eseptik kezdesýde oblys ákimi buqaralyq sportty damytýdyń negizgi ındıkatorynyń biri halyqty qoljetimdi sporttyq ınfraqurylymmen qamtamasyz etý ekendigin atap ótti. Búginde oblysta  jasandy jabyndysy bar 333 sport alańy, 262 kópsalaly hokkeı korty jáne 34 strıt-vorkaýt alańy bar ekendigi aıtyldy. Sondaı-aq, bıyl Nura men Jańaarqada eki júzý basseınin tapsyrý josparda bar.         

Sonymen birge, óńir basshysy oblystaǵy sport nysandaryn salýǵa qarajat  bıýdjetten ǵana emes, demeýshiler esebinen de qarastyrylǵanyn atap ótti.

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar