«TAZALYQ jobasy qorshaǵan ortany qorǵaýǵa, ekologııalyq jaǵdaıdy jaqsartýǵa jáne halyqtyń ekologııalyq qaýipsizdik deńgeıin arttyrýǵa baǵyttalǵan. Osy maqsatta Atyraý munaı óńdeý zaýytynyń aǵyndy sýlardy tazartý qondyrǵylaryn jańartý jobasy júzege asyrylýda, ol aǵyndy sýlardy sapaly tazartýdy, lastaıtyn aǵyndy sýlardyń kólemin azaıtýdy jáne atmosferaǵa lastaýshy zattardyń býlanýyn toqtatýdy qamtamasyz etetin zamanaýı tehnologııalyq prosesterdi óndiriske engizýdi kózdeıdi», dep habarlady kásiporynnyń bas dırektory Shýhrat Danbaı.
Ol zaýyt úshin jobanyń ekonomıkalyq paıdasy joq ekenin, AMО́Z buǵan qaladaǵy ekologııalyq jaǵdaıdy jaqsartý maqsatynda kele jatqanyn atap ótti. Tazartý qondyrǵylaryn modernızasııalaýdyń sátti mysaly retinde Máskeý munaı óńdeý zaýytynyń tájirıbesine nazar aýdaryldy.
Sonymen qatar, qorshaǵan ortany qorǵaýǵa baǵyttalǵan is-sharalardyń ishinde zaýyt ELOÝ-AT-2 jáne ELOÝ-AVT-3 qondyrǵylarynyń peshterindegi tehnıkalyq eskirgen ottyqtardy aýystyrýdy josparlap otyr. Bul otyn gazyn tutynýdy azaıtady jáne qondyrǵy peshterinde otyn gazyn jaǵý kezinde lastaýshy zattardy azaıtady.
Maǵzum Myrzaǵalıev Atyraý munaı óńdeý zaýytynyń jumysyna jasyl tehnologııalardy engizý jumystaryn jedeldetýdi tapsyrdy.
«Búgingi tańda qorshaǵan ortaǵa lastaýshy zattar shyǵaryndylarynyń deńgeıin tómendetý birinshi kezektegi mindet bolyp tabylady. Bul baǵytta jasyl tehnologııalardy engizý mańyzdy. Aımaqtyń ekologııasy aýanyń lastanýy jaǵynan joǵary kórsetkishke ıe. Sondyqtan prosesti jasyldandyrý boıynsha keshendi sharalardy qabyldaý óte mańyzdy», dep atap ótti mınıstr.
