Beınejazba qadrlarynan qulaǵan aǵashtardy da kórýge bolady. Qalalyq Polısııa departamenti málim etkendeı, qala turǵyndarynan avtokólikterin qaýipsiz oryndarǵa aýystyrýdy suraǵan. Dese de Instagram jelisinde úıdiń shatyry kólikterge qalaı qulaǵany týraly vıdeolar tarap ketti.
«Qatty jelden №16 úıdiń shatyry ushyp, №14 úıge qarama-qarsy turǵan kólikterdiń ústine qulady. Abaı bolyńyz», deıdi qyz vıdeoda.
Taraz qalalyq Polısııa departamenti basshysynyń orynbasary Jaıdar Quttybaev: «Taraz qalasynyń turǵyndary men qonaqtary qalada qatty jel soǵýyna baılanysty kólikterińizdi aǵashtar men qaýipti aımaqtarǵa qoımaýlaryńyzdy suraımyz. Abaı bolyńyzdar! Jaıaý júrginshilerden saq bolýyn suraımyz», dep qala turǵyndaryna úndeý joldady.
