Eýrazııalyq ıntegrasııa ınstıtýty elimizdiń 17 óńiri men Astana, Almaty, Shymkent qalalarynda referendým ýchaskelerine baryp, daýys bergen azamattar arasynda saýalnama júrgizgen.
«Saýalnamada 200 referendým ýchaskesin qamtydy. Onyń ishinde 129-y qalada, 71-i aýyl-dy jerde ornalasty. Saýalnamaǵa jalpy 30 myń respondent qatysty. Olarǵa arnaıy daıarlanǵan suhbat alýshylar face-to-face ádisi arqyly saýal qoıdy. Zertteý nátıjeleriniń qateligi 1%-dan aspaıdy. Kúni boıy jeti ólshem júrgizildi. Aralyq qorytyndylary 09.00-de, 10.30-da, 12.30-da, 14.30-da, 16.30-da, 18.30 jáne 20.30-da jasaldy», delingen ınstıtýt málimdemesinde.
Daýys berýshilerge «Siz jańa Konstıtýsııany qabyldaısyz ba?» degen suraqqa qaı jaýap nusqasyn tańdadyńyz?» degen bir ǵana suraq qoıylǵan. Exit poll nátıjelerine sáıkes, respondentterdiń 86,7 paıyzy «Iá, qabyldaımyn» dep jaýap bergen. Aıta ketsek, referendýmǵa azamattardyń 75,3 paıyzy qatysty.
