«Biz aı saıyn kommýnaldyq tólemderdi, toqsan saıyn salyqtardy tólep otyrmyz. Kóbimiz bıznes ashý úshin nesıe aldyq. Qazir bizdiń qyzmetkerlerimiz jumyssyz otyr. О́zimizde shyǵynǵa battyq. Barlyq sanıtarlyq norma men erejeni saqtaı otyryp, jumys isteýge ruqsat berýińizdi suraımyz. Meıramhanalarda 120-150 adamǵa arnalǵan banket ótkizýge ruqsat etilse, biz tabys taba alar edik» deıdi meıramhana ıesi Saltanat Bekbolova.
Atyraý oblysynyń kásipkerleri men jumys berýshiler odaǵynda ótken jıynda jumys tobyn qurý týraly sheshim qabyldandy. Jumys tobyna banket zaldarynyń ıeleri, kásipkerler men jumys berýshiler odaǵynyń, jergilikti atqarýshy organdardyń mamandary kirmek. Olardyń qatysýymen Prezıdenttiń, Úkimet janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń, QR Bas sanıtarlyq dárigeriniń atyna 150 adamǵa deıin toltyrylatyn banket zaldarynyń jumysyna ruqsat berý týraly ótinish jasaldy.
