Búgin, elordadaǵy Dostyq úıinde «Qan tapsyr da, adam ómirine arasha tús!» atty aksııa ótkizilip, oǵan Nur-Sultan qalasy Qazaqstan halqy Assambleıasynyń ókilderi, elorda turǵyndary men jalpy eriktiler qatysty.
Aksııa uıymdastyrýshysy-Nur-Sultan qalasy Qazaqstan halqy Assambleıasy.
Aksııa ótkizýdegi negizgi mindet-adamdardyń ómirine arasha bolý úshin qoǵamdy aqysyz túrde qan donory bolýǵa shaqyrý. Árbir azamattyń óz erkimen qan tapsyrýynyń júıeliligin qalyptastyrý.
Bul aksııa jyl saıyn dástúrli túrde ótkizilip keledi. О́tken jyly osy ıgilikti shara Qazaqstan Respýblıkasy Densaýlyq saqtaý mınıstrliginiń Transfýzıologııa ǵylymı-óndiristik ortalyǵymen birlesip ótkizilgen bolatyn. Atap ótý kerek, osy joly da elordamyzdaǵy etnomádenı birlestikterdiń ókilderi donor bolýǵa belsendilik tanytty.
Sanıtarlyq-epıdemıologııalyq qatań talaptardy negizge ala otyryp, qan tapsyrýǵa kelgen eriktilerge qatysty málimetter jiti tekserýden ótkizildi. Ol boıynsha adam týberkýlezben, vırýstyq gepatıtpen, bezgekpen, brýsellezben nemese revmatızmmen aýyrsa, onyń qany qabyldanbaıdy. Sondaı-aq joǵary nemese tómen arterııalyq qysymy bar, epılepsııalyq qurysýlar men ómirlik mańyzdy organdary aýyratyn adamdar da qan tapsyra almaıdy. Osyndaı talaptardy basshylyqqa alǵan mamandar árbir azamatty jiti baqylaýdan ótkizip, aksııanyń sátti ótkizilýine úlesterin qosty.
Jalpy, qan tapsyryp turýdyń adam aǵzasyna paıdasy mol. Qandy belsendi tapsyratyn donorlar júrek-qan tamyrlary aýrýymen sırek aýyrady jəne qan ketý – olar úshin qaýipti jaǵdaı emes. Qan alynǵan saıyn adam boıyndaǵy qan jańaryp otyrady, qan aınalý prosesi jaqsarady. Bul óz kezeginde kóptegen aýrýlardyń aldyn alady. Máselen, turaqty qan tapsyryp turatyn adamdar tapsyrmaıtyndarǵa qaraǵanda 5 jylǵa artyq ómir súretini ǵylymı túrde dáleldengen. Al bir ret qan tapsyrǵan donor orta eseppen úsh adamnyń ómirin qutqarady.
Qazaqstan Respýblıkasy Densaýlyq saqtaý mınıstrliginiń deregine júginsek, elimizde jyl saıyn 200 myńnan artyq adam qan tapsyrady jáne olardyń shamamen 18 myńy qandy 3 retten artyq tapsyrǵan. Nur-Sultan qalasynyń ózinde jyl saıyn shamamen 40 donasııalaý júzege asyrylady. Sonymen birge, elimizde jylyna 360 myńnan artyq doza qan quıylady eken. Osyndaı aýqymdy jumystardyń tıisti dárejede oryndalýyna Nur-Sultan qalasy Qazaqstan halqy Assambleıasy da óz úlesin qosýda.
