Aımaq basshysynyń málimetinshe, monıtorıngtik toptar 2021 jylǵy 1- qańtardan 17-aqpanǵa deıin 2949 reıd ótkizip, nátıjesinde shekteý talaptaryn buzǵan 323 nysandy anyqtaǵan. Al jedel shtab aldaǵy aıdyń basynda oblys aýmaǵyndaǵy temir jol qatynasyn qaıta jandandyrmaq.
«Barlyq engizilgen usynystardy qarap, shtab koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııaǵa 2021 jylǵy 1 naýryzdan bastap «Qostanaı-Almaty», «Qostanaı-Qaraǵandy» poıyzdarynyń Qostanaı oblysy boıynsha kún saıyn júrýin jáne jolaýshylardy otyrǵyzý/túsirý úshin barlyq temirjol beketterin qaıta ashý týraly sheshimdi qoldady. Otyrys barysynda monıtorıngtik toptardyń jumysyn kúsheıtýdi tapsyrdym» - dep jazdy oblys ákimi.
