Nıgerııanyń burynǵy qarjy mınıstri jańa qyzmetine 1 naýryzdan bastap kirisedi. Ol, eń aldymen, álemdik saýdanyń koronavırýs pandemııasynan keıin qaıta qalpyna kelýine erekshe mán bermekshi.
Jańa tóraǵa Dúnıejúzilik saýda uıymynyń qazirgi ýaqytta kóptegen problemamen betpe-bet kelip otyrǵanyn aıtty. Onyń sózine sensek, uıymdasqan nátıjeli jumys bul uıymdy áldeqaıda qýatty, búgingi kúnge beıimdelgen belsendi etedi.
«Bul jol óte uzaq, aýyr jáne belgisizdikke toly boldy. Biraq jańa kún týdy, endi naǵyz jumysty bastaýǵa bolady. Búginde Dúnıejúzilik saýda uıymyna múshe-memleketter tarıhty óz qolymen jasap otyr. Uıym qurylǵan 73 jyldan beri alǵash ret áıel adam, Afrıka ókili basshylyqqa keldi. Bul – naǵyz serpilis. Men jaqsylyqqa senem», dedi Ngozı Okondjo-Iveala.
Jańa tóraǵany Eýrokomıssııa basshysy Ýrsýlýa fon der Lıaıen quttyqtady. Ol óz sózinde osy sáttiń tarıhı mańyzyn erekshe atap ótti. Ý.Lıaıenniń aıtýynsha, Eýroodaq Dúnıejúzilik saýda uıymynyń reformasyn jaqtaıdy jáne erejege negizdelgen kópjaqty saýda júıesin qorǵaýǵa kómektesedi.
Aıta keteıik, uıym basshysynyń laýazymy ótken jyldyń 31 tamyzynan beri bos turǵan bolatyn. Sońǵy tóraǵa Robertý Azevedý sol kúni basshylyq ýaqyty aıaqtalmasa da, qyzmetinen ketken edi.
