Uzyndyǵy 4934 shaqyrym bolatyn kepildendirilgen jol ýchaskelerine monıtorıng júrgizý jáne 14 034 shaqyrym joldyń naqty jaǵdaıyn baǵalaý kózdelgen.
Qazaqstandaǵy jol ınfraqurylymy qaýipsizdigin dıagnostıkalaý men baqylaý osydan eki jyl buryn qolǵa alynǵan bolatyn. 2019 jyly Pavlodar jáne Qaraǵandy oblystarynda 2 myń shaqyrymnan astam jol taldandy. Byltyr mamandar 16 345 shaqyrym joldy dıagnostıkadan ótkizdi. Sonyń 4665 km – kepildendirilgen jol ýchaskelerin monıtorıngileý bolsa, 11 680 shaqyrym joldyń naqty jaǵdaıy baǵalandy.
Eske sala keteıik, baqylaý derekteri «Jol aktıvterin basqarý júıesine» engizilýde. Atalǵan júıe joldardyń ornalasýyn, geometrııalyq parametrlerin, jol qurylymdaryn, baǵyt jaǵdaıyn, qozǵalys qarqyndylyǵy men kólik aǵyny quramyn, sondaı-aq joldardyń tehnıkalyq kúıin jáne aqaýlardyń jıyntyq tizimin biriktiredi. Respýblıkalyq avtomobıl joldarynyń naqty jaǵdaıyn aspaptyq baǵalaý qaýipsizdik reıtıngin shyǵarýǵa kómektesedi.
Dıagnostıkalaý kezinde jumysty tez jáne tıimdi júrgizýge, avtomobıl joldary men qurylymdarynyń jaı-kúıi týraly tolyq aqparat alýǵa múmkindik beretin zamanaýı sıfrlyq qurylǵylar qoldanylýda.
