Qalyptasqan epıdemıologııalyq jaǵdaı aıasynda halyqtyń qaýipsizdigin qamtamasyz etý maqsatynda «MEDEÝ» kolleksııalyq monetalardy onlaın-satý jáne jetkizý Ulttyq Banktiń ınternet-dúkeniniń jańartylǵan platformasy arqyly júzege asyrylady. Tapsyrystardy óńdeý belgili bir ýaqytty qajet etetindikten, monetalardy satý birneshe kúnge bólinedi.
MEDEÝ» monetasy dızaınynyń tujyrymdamasy ataqty bógettiń jáne «jarylystan týyndaǵan» muz aıdynynyń paıda bolý tarıhyn sýretteıdi.
Moneta dızaınynyń grafıkalyq tujyrymdamasy búkil álemge áıgili «Medeý» bıik taýly muz aıdynyn qorshaǵan Ile Alataýynyń jartasty taýlaryn allegorııalyq qabyldaý negizinde jasalǵan.
Monetalar altyn jalatylǵan kúmisten, massasy 24 gramm, dıametri 37 mm, «proof» sapasymen, taralymy 3 000 (úsh myń) danada daıyndaldy. Monetalar kolleksııalyq quny boıynsha satýǵa arnalǵan.
Monetanyń aversinde ortalyq bóliginde «QAZAQSTAN RESPÝBLIKASY» jazbasynyń, moneta nomınalyn jáne moneta daıyndalǵan metaldy, onyń synamasy men massasyn bildiretin jazbalardyń qorshaýynda Qazaqstan Respýblıkasynyń Memlekettik Eltańbasy beınelengen.
Monetanyń reversinde ortasynda jartasty taýlar aıasynda bıik taýly «Medeý» muz aıdynynyń beınesi ornalasqan. Monetany aınaldyra jalpaq jıekte mynadaı bederli jazýlar ornalasqan: monetanyń soǵylǵan jyly, muz aıdynynyń resmı ashylǵan jyly, belgilengen álemdik rekordtar sany, teńiz deńgeıinen bıiktigi jáne muz aıdynynyń jáne onyń ornalasqan jeriniń memlekettik tildegi, orys jáne aǵylshyn tilderindegi ataýy.
Nomınaly 500 teńgelik kolleksııalyq monetalar tólemderdiń barlyq túrleri boıynsha Qazaqstan Respýblıkasynyń búkil aýmaǵynda olardyń belgilengen qunymen qabyldanýǵa, sondaı-aq bank shottaryna esepke alynýǵa jáne aýdarylýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Kúmisten jasalǵan monetalar kádesyılyq oramda shyǵarylady jáne Qazaqstan Respýblıkasy Ulttyq Bankiniń memlekettik tildegi, orys jáne aǵylshyn tilderindegi nómirlik sapa sertıfıkatymen jabdyqtalǵan.
Kolleksııalyq monetalar Qazaqstannyń teńge saraıynda daıyndaldy.
