Osy bilim uıasynda Qazaq KSR halyq aǵartý isiniń ozyq qyzmetkeri Seıitqalı Qojabekovty eske alýǵa arnalǵan geografııa páninen 5-11 synyp oqýshylary arasynda mektepishilik olımpıada ótkizildi. Onyń ózgesheligi sol – bul óńirde bilim shýaǵyn shashqan ustazdyń ulaǵatyn keıingi urpaq jadynda jańǵyrtý arqyly jastardyń bilim-ǵylymǵa degen yntasyn arttyrýǵa baǵyttalǵany. Olımpıadanyń saltanatty ashylýynda ulaǵatty ustaz týraly estelikter aıtyldy, «О́negeli jannyń ómir joly» degen shaǵyn beınebaıan kórsetildi, «Ustaz taǵylymy» atty kórme uıymdastyryldy. Oqýshylar bul sharalardan Seıitqalı Qojabekovtyń eńbek jolyn №5 Sýlyqopa aýyldyq keńesinde hatshy bolyp bastaǵanyn, Tymabulaq ortalaý mektebinde oqytýshy bolǵanyn, bir ǵana Qyzyl partızan ortalaý mektebinde otyz jyldaı ustazdyq etkenin, Aqtóbe pedagogıkalyq ýchılıshesin, N.Baıǵanın atyndaǵy Aqtóbe oqytýshylar ınstıtýtyn támamdaǵanyn jáne Uly Otan soǵysynyń ardageri ekenin bildi.
Pándik olımpıadaǵa 36 oqýshy qatysty. Olımpıada jeńimpazdary men júldegerleri atanǵan on segiz oqýshy birinshi, ekinshi jáne úshinshi dárejeli dıplomdarmen jáne S.Qojabekovtyń qyzy Danııa Mektepbaeva bastaǵan urpaqtary daıyndaǵan baǵaly syılyqtarmen marapattaldy. Urpaqtary mektepke de syı-sııapat jasady.
Satybaldy SÁÝIRBAI,
«Egemen Qazaqstan».
Aqtóbe oblysy,
Yrǵyz aýdany.
