Ulaǵatty ustazdyń shákirtteri 1991-2011 jyldar aralyǵynda Berlın, Praga, Sofııa, Parıj, Stambýl, Ankara qalalarynda ótken baıqaýlarda óner kórsetip, «Bas júlde» men I oryn laýreattary atandy.
Al 2002 jyly shákirti Erden Jaqsybekov Amerıkanyń Lýızııana Shtatynda ótken «Zolotaıa mognolııa» baıqaýynan «Bas júlde» aldy. Osyǵan oraı, úzdik ustaz retinde Elbasynyń qabyldaýynda bolyp, arnaıy «Alǵys hat» tabystaldy.
Elimiz táýelsizdik alǵannan búginge deıingi ustazdyń eńbekteri az emes. 1991 jyly «Eńbek ardageri», 1993 jyly Fransııada ótken dúnıejýzilik folklorlyk festıvaldiń laýreaty, 2015 jyly «Ulaǵatty ustaz» tósbelgileriniń ıegeriniń ónerde de ózindik orny bar. Ol «Juldyzǵa jol» respýblıkalyq jáne halyqaralyq konkýrstarynyń negizin salyp, daryndy jastardyń bıikke órleý jolynda qyzmet etken.
2013-2020 jyldar aralyǵynda №90 mektep-gımnazııasyndaǵy 50-den astam shákirtteri halyqaralyq baıqaýlarda joǵary oryndardan kórindi.
Roza Amrınanyń eren eńbeginiń arqasynda О́mirbaı Saǵyn Qazaqstan atynan 2020 jyly Polshada ótetin «Junior Eurovision Song Contest» halyqaralyq án baıqaýynda qatysqan 684 úmitkerdiń ishinen ótken 30 jas ónerpazdyń biri boldy.
