Atalmysh jobaǵa elordanyń segiz teatry atsalysady: «Astana Opera» Memlekettik opera ján balet teatry, «Astana Balet» teatry, Q.Qýanyshbaev atyndaǵy Memlekettik akademııalyq qazaq mýzykalyq drama teatry, Jastar teatry, Qýyrshaq teatry, Mýzykalyq jas kórermen teatry, M.Gorkıı atyndaǵy memlekettik akademııalyq teatry, Á.Mámbetov atyndaǵy memlekettik drama jáne komedııa teatry.
Uıymdastyrýshylardyń aıtýynsha, mundaı ıgi joba jas býyndy ónerge baýlyp, teatr álemimen jaqynyraq tanystyrýǵa baǵyttalǵan. Endi mektep oqýshylary Nur-Sultan qalasynda ornalasqan teatrlardyń birneshe qoıylymyn aptasyna eki ret tegin tamashalaı alady.
Búgin, ıaǵnı 23 aqpan kúni 11:00-de №82 «Daryn» mamandandyrylǵan lıseıiniń jáne №9 «Zerde» mamandandyrylǵan mektebiniń oqýshylaryna M.Maqataevtyń 90 jyldyǵyna arnalǵan «ǴAShYQ-JÚREK» mýzykalyq-poetıkalyq qoıylymy kórsetiledi.
«Ǵashyq-Júrek» spektakli - avtordyń oı-armanynan, jan saraıynan, ishki tanymy men tolǵanysynan týǵan óleń-jyrlary men ánderine qurylǵan sahnalyq qoıylym. Onyń qoıýshy rejısseri – Aman Ǵumarov. Muqaǵalı Maqataevtyń beınesin teatr akteri Qazbek Esqara, al aqıyq aqynnyń dosy Shámildiń beınesin teatr akterleri Ernazar Jańatilek jáne Asqar Jumabekov somdaıdy. Sondaı-aq, spektaklge teatrdyń barlyq ártisteri qatysady.
Al 25 aqpanda 15:00-de №86 mektep-gımnazııasynyń jáne №87 mektep-gımnazııasynyń oqýshylaryna arnap M.Áýezovtiń «ABAI-TOǴJAN» spektakli ótedi. Abaı-Toǵjan» mýzykalyq dramasy – búginge deıingi uly aqyn jaıly qoıylǵan shyǵarmalardan bolmysy bólek, beınesi erek jańa týyndy. Balalar men jasóspirimderdiń dúnıetanymyna, talǵamyna, rýhanı bolmysynyń qalyptasýyna áser etetin bul qoıylym Abaı ǵumyrynyń bozbala kezeńinen kórinis beredi. Inssenırovka avtory – Mıras Ábil, rejısseri – Ashat Maemırov, mýzykalyq keńesshi – Dımash Qudaıbergen, qoıýshy-sýretshi – Alma Syrbaeva, kompozıtory – Baýyrjan Aqtaev, baletmeısteri – Shyryn Mustafına, hormeısteri – Ǵalymjan Berekeshev.
