Is-sharaǵa О́zbekstan Respýblıkasy Olıı Majlıs Senatynyń tóraǵasy, Ortalyq Azııa elderi kóshbasshylary áıelder dıalogynyń tóraǵasy T.Narbaeva jetekshilik etip, Túrkmenstannan, Qyrǵyzstannan, Tájikstannan Parlament ókilderi qatysty.
Qazaqstandyq taraptan Májilis Tóraǵasynyń orynbasary B. Kesebaeva jáne depýtattar A.Quspan men L. Ramazanova qatysty. Otyrys barysynda qoǵamdyq ómirge tolyqqandy jáne tıimdi qatysý jáne sheshimder qabyldaý úshin genderlik teńdik, áıel-kóshbasshylar týraly birqatar máseleler kóterilip, talqylandy.
О́z kezeginde vıse-spıker Balaım Kesebaeva áıelderdiń jaǵdaıy, olardyń quqyqtary men múmkindikterin iske asyrýda teńdikke qol jetkizý máseleleri kóptegen memleketter, sonyń ishinde Ortalyq Azııa elderi men Qazaqstan úshin ózekti bolyp qala beretinine nazar aýdaryp, Qazaqstannyń qalyptasý jyldarynda bul baǵytta kóptegen jumystar atqarylǵanyna toqtaldy.
Sonymen qatar vıse-spıker Tuńǵysh Prezıdent-Elbasy Nursultan Ábishuly Nazarbaevtyń bastamasymen elde saıası, ekonomıkalyq, áleýmettik jáne rýhanı jańǵyrtý boıynsha keshendi sharalar jáne Ulttyq deńgeıde 2030 jylǵa deıingi otbasylyq jáne genderlik saıasat tujyrymdamasy qabyldanyp, iske asyrylyp jatqanyna nazar aýdardy.
Sondaı-aq elimizde áıelder saıasat pen ekonomıkanyń barlyq salalarynda jumys istep jatqanyn aıtyp, olardyń kásipkerlik bastamalaryn damytý úshin oqytý, jeke bıznesin ashýǵa járdemdesý boıynsha arnaıy sharalar qabyldanǵanyn tilge tıek etti.
«Memleket basshysynyń tapsyrmalaryna sáıkes áıelder men balalardyń quqyqtaryn jan-jaqty qoldaýǵa jáne qorǵaýǵa baǵyttalǵan qoldanystaǵy zańnama normalary jetildirilýde», dedi B.Kesebaeva.
Osyǵan sáıkes, bıylǵy jyldyń basynan bastap kámeletke tolmaǵandarǵa qatysty zorlyq-zombylyq sıpattaǵy qylmys jasaǵandardyń jazasy qatańdatyldy.
Pikir-talas barysynda B.Kesebaeva jahandyq daǵdarystan kezeń-kezeńimen shyǵý usynymdaryn ázirleýge baǵyttalýy tıis daǵdarysqa qarsy ortalyq qurýdy jáne áıelder men balalardyń quqyqtaryn qorǵaýdyń iske asyrylyp jatqan memlekettik sharalary boıynsha elder arasyndaǵy ozyq tájirıbeni jedel almasýdyń biryńǵaı bankisin qurýdy, áıelderdiń menshiktiń barlyq nysandaryna, qarjylyq qyzmetterge ıelik etýge jáne baqylaýǵa qol jetkizýin ulǵaıtýǵa qatysty jáne halyq arasynda genderlik teńdik týraly aqparatty arttyrý sııaqty birshama máselelerdi usyndy.
Qatysýshylar otyrysta Ortalyq Azııa kóshbasshylary áıelderiniń dıalogynyń 2021 jylǵa arnalǵan is-qımyl josparynyń jobasyn talqylady. Osy rette vıse-spıker Qazaqstan Almaty qalasyndaǵy halyqaralyq uıymdar ǵımaraty bazasynda genderlik teńdik jáne áıelderdiń quqyqtary men múmkindikterin keńeıtý salasyndaǵy óńirlik bilim ortalyǵyn qurýdy birneshe kótergenin atap ótti.
«Sondaı-aq, 2021 jyly bizdiń birlesken kúsh-jigerimizdi ekonomıkalyq múmkindikterdi keńeıtý jáne aýyldyq jerlerdegi áıelderdi qoldaý máselelerin talqylaýǵa baǵyttaǵan jón dep sanaımyn. Jer-jerlerde lokdaýn kezeńinde shalǵaıdaǵy aýyldyq óńirlerdegi áıelder, ádette, qarjylyq jáne basqa resýrstarǵa, onyń ishinde ınfraqurylym men tehnologııalarǵa qol jetkize almady. Bul turǵyda bizdiń óńirdegi aýyldyq jerlerdegi áıelderdiń jaǵdaıy Ortalyq Azııa elderiniń kópshiligine tán jáne kún tártibindegi ózekti másele», dedi B. Kesebaeva.
