Elorda • 24 Aqpan, 2021

Elordada órt sany azaıdy

2 ret kórsetildi

Júrgizilgen aldyn alý jumystarynyń arqasynda sońǵy 6 jylda órt jáne onyń zardaptary boıynsha kórsetkishterdi eskere otyryp, elordada órt sanynyń 4%-ǵa, adamdardyń qaza bolýy 18,5%-ǵa, jaraqattanýy 24%-ǵa tómendeýine qol jetkizildi, dep habarlaıdy Egemen.kz qala ákimdiginiń resmı saıtyna silteme jasap.

О́tken jyldyń qorytyndysy boıynsha órtterden keltirilgen materıaldyq shyǵyn 35 mln.teńgeden asty, bul rette 1 mlrd. teńgeden astam somadaǵy materıaldyq qundylyqtar qutqaryldy.

«Jyl saıyn órtterdiń ortasha 50%-y turǵyn úı sektoryna tıesili, onyń ishinde 57%-y – jeke menshik sektor, 26%-y – kópqabatty turǵyn úıler, 17%-y – ózge de turǵyn úıler jáne sharýashylyq qurylystar. Barlyq tirkeletin órtterdiń 60%-y kúzgi-qysqy kezeńge keledi. 2020 jyly órtterdiń shyǵý sebepterin taldaý barysynda mynadaı negizgi sebepteri anyqtaldy: elektr jelileri men elektr qondyrǵylaryn montajdaý jáne tehnıkalyq paıdalaný qaǵıdalaryn buzý, peshterdi ornatý jáne paıdalaný kezinde órt qaýipsizdigi qaǵıdalaryn buzý, turǵyndardyń abaısyz paıdalanýy», - dedi Nur-Sultan qalasy TJD bastyǵy Qýanar Bazarbaev 2020 jyldyń qorytyndysy boıynsha órt saldarynan 22 adam qaza tapty. Olardyń arasynda balalar joq. Al qaza bolǵandardyń 16-sy órt kezinde mas kúıinde bolǵan. Jaraqat alǵandar sany 46 adam. Onyń ishinde balalar – 6.

Nur-Sultan qalasynyń Tótenshe jaǵdaılar departamenti elordanyń jeke sektorynda jylytý maýsymy kezeńinde órtterdiń aldyn alýǵa baǵyttalǵan profılaktıkalyq is-sharalar keshenin júrgizýde. «О́rt qaýipsizdigi aılyǵy» bastalǵannan beri 2020 jyldyń 15 tamyzynan bastap 42 myńnan astam aýlany aralap, órt qaýipsizdigi boıynsha jadynamalar taratyldy, olardyń barysynda 55 myńnan astam adamǵa nusqaý berildi.

Qalalyq PIK qaýymdastyǵymen jáne aýdandyq ákimdiktermen ózara is-qımyl kezinde PIK tóraǵalarymen órt qaýipsizdigin qamtamasyz etý máseleleri boıynsha keńester ótkizildi. «WhatsApp» arqyly jalpy úılik chattary, ata-analar chattary qoldanylyp, turǵyndardy turmystaǵy órt qaýipsizdigi sharalary jáne balalardyń otpen oınaýynyń aldyn alý týraly habardar etedi.

Sońǵy jańalyqtar

Uqsas jańalyqtar