Atalǵan shara Sybaılas jemqorlyqqa qarsy is-qımyl Agenttigi ShQO boıynsha Departamentiniń basshysy Erlan Jalmaǵambettiń, Bilim ordasynyń rektory Jasulan Shaımardanovtyń jáne óńirlik aqparattyq-aǵartýshylyq shtab jetekshisi Araılym Esimbekova men «Sanaly urpaq» klýb músheleriniń qatysýymen ótti.
Atalǵan shara atalǵan oqý orynnyń kitaphanasynda ótti. «Parasatty jol» ortalyǵy buǵan deıin A.S.Pýshkın atyndaǵy oblystyq kitaphanasynda jumysyn bastaǵan bolatyn. Endi oqý oryndary arasynda alǵash bolyp ShQTÝ-da ashyldy.
Ortalyqta adaldyq, ádildik, parasattylyq qasıetterin dáripteıtin Abaı men Shákárimniń eńbekteri, Sáken Seıfýllınniń shyǵarmalary qoıylǵan. Sondaı-aq JOO jasalǵan sybaılas jemqorlyqqa qarsy sıpattaǵy ádistemelik nusqalar men kitaptar qoıylǵan.
Saltanatty is-sharada ýnıversıtet stýdentteri qoıylym kórsetip, parasatty adam formýlasyn usyndy.
Ashylǵan «Parasat joly» ortalyǵy óskeleń urpaq sanasyna silkinis jasaýǵa jáne oqyrman qaýymnyń tanym-túısigine izgi oı qaldyrady degen senimdemiz.
