Aımaqtar • 24 Aqpan, 2021

«Teńizshevroıl» pandemııa kezinde Qazaqstanǵa qandaı kómek berdi?

56 ret kórsetildi

Jyldaǵy dástúr boıynsha «Teńizshevroıl» JShS-niń Almatyda BAQ ókilderin kezdesýi 2020 jyly koronavırýs saldarynan ótpeı qalǵan edi, dep habarlaıdy Egemen.kz

Epıdemııalyq jaǵdaı turaqtalǵan soń TShO jýrnalısterdi megapolıste qaıta toǵystyryp, 2020 jylǵy jumysnátıjelerin jarııalady. Jańadan taǵaıyndalǵan TShO bas dırektory Kevın Laıon áriptesterimizdiń barlyq saýaldaryna jaýap bere kele, kompanııa birinshi kezekte densaýlyq, qorshaǵan ortany qorǵaý, óndiris barysyndaǵy qaýipsizdik pen kadrlardy ulttandyrýdy jumystaryna basymdyq beriletinin atap ótti.

Kásiporyn jyl boıy densaýlyqty qorǵaýǵa, qyzmetkerleriniń jáne óndiristik qyzmettiń qaýipsizdigin saqtaýǵa basa nazar aýdarǵan. TShO COVID-19 pandemııasyna jáne munaı naryǵyndaǵy kúrdeli jaǵdaılarǵa qaramastan, úzdiksiz shıkizat óndirýdi saqtaı otyryp, qaýipsizdik pen qorshaǵan ortany qorǵaýda joǵary kórsetkishterge qol jetkizdi. Kásiporyn 2020 jyly 26,5 mıllıon tonna shıki munaı óndirdi, bul Qazaqstan Respýblıkasynda óndirilgen munaıdyń shamamen 35%-y.

Keleshek keńeıý jobasy – Uńǵyma erneýindegi qysymdy basqarý jobasyn (KKJ-UEQBJ) júzege asyrýda eleýli nátıjege qol jetkizip, jobany 80%-ǵa aıaqtady. Atalǵan nátıje teńiz tasymalynyń úsh jyldyq baǵdarlamasyn qamtıdy. Baǵdarlama sheńberinde túrli halyqaralyq pýnktterden Teńizge 408 aýqymdy modýldi júk jetkizildi. KKJ-UEQBJ-nyń jobalaý toby qalǵan qurylys-montaj jumystaryn Qazaqstan aýmaǵynda jalǵastyrady. 2000 jyldan bastap aýaǵa jiberiletin jalpy shyǵaryndylardy óndirilgen munaı tonnasyna shaqqanda 71%-ǵa azaıtty.

Gazdy alaýda jaǵýdy azaıtýdy jáne paıdaǵa asyrýdaǵy joǵary kórsetkishti saqtaýǵa basa nazar aýdarýdy odan ári jalǵastyrýda. 2020 jyly bul kórsetkish 99,1%-dy qurady. Sonymen qatar, kásiporyn 2020 jyly sýdy qaıta paıdalaný koeffısıentin 49,2 paıyzǵa arttyrdy. 2000 jyldan bastap Teńiz ken ornyndaǵy óndiristik qyzmetterge baılanysty, qorshaǵan ortaǵa áserdi azaıtýǵa baǵyttalǵan jobalarǵa 3,1 mıllıard AQSh dollarynan astam qarjy saldy. TShO 2020 jyldyń qorytyndysy boıynsha daulttyq ekonomıkanyń eń iri salymshysy jáne salyq tóleýshisi bolyp qaldy, respýblıka bıýdjetine quıǵan tikeleı tólemderi 6,6 mlrd AQSh dollarynan asty.

Sondaı-aq kásiporyn 3,5 mlrd AQSh dollaryn jergilikti qamtýshylarǵa jumsaý arqyly otandyq taýarlar men qyzmetterdiń jetekshi satyp alýshysy boldy, onyń 2,4 mlrd AQSh dollary KKJ-UEQBJ sheńberinde jumsaldy.

Sonymen qatar TShO óz qyzmetkerleriniń tehnıkalyq jáne basqarý qabiletterin damytýǵa ınvestısııa salýdy basty nazarda ustaıdy.

«Teńiz ken orny ­– bul Qazaqstan Respýblıkasy úshin keremet qundylyq, –  dedi jańadan taǵaıyndalǵan TShO bas dırektory Kevın Laıon. –  Men qyzmetkerlerimizdiń kásibı sheberligi men qabiletterin óz kózimmen kórdim. Biz pandemııa jaǵdaıynda basty nazardy qyzmetkerlerimizdiń densaýlyǵy men qaýipsizdigin qorǵaýǵa aýdara otyryp, , qaýipsiz, ári senimdi óndiristi qamtamasyz etemiz, jáne de barlyq múddeli taraptar ıgiligi úshin KKJ-UEQBJ-ny aıaqtaý baǵytyndaǵy jumysymyzdy jalǵastyratyn bolamyz».

TShO ózi jumys isteıtin qoǵamdastyqqa jáne qyzmetkerleriniń ál-aýqatyn arttyrýǵa ınvestısııa salýdy jalǵastyrýda.2020 jyly «Igilik» erikti áleýmettik ınfraqurylym baǵdarlamasyna 25 mıllıon AQSh dollary kóleminde qarjy bólip, Dossor kentindegi280 oryndyq balabaqshanyń, Atyraý energetıka jáne qurylys kolledji stýdentterine arnalǵan 100 oryndyq jataqhananyń, Atyraý qalasyndaǵy erkerlik týtuǵyr monýmentiniń qurylystaryn jáne Qulsarydaǵy Qursaı ózeniniń jaǵalaýyn abattandyrýdy aıaqtady.

Buǵan qosa, áleýmettik ınvestısııalar baǵdarlamasy sheńberinde Atyraý jáne Mańǵystaý oblystarynda densaýlyq saqtaý men bilim berý sapasyn jaqsartýǵa, áleýmettik kásipkerlikti damytýǵa baǵyttalǵan 18 jobaǵa 2,2 mıllıonnan astam AQSh dollaryn jumsady. Nátıjesinde pedagogıkalyq, medısınalyq jáne tehnıkalyq qyzmetkerler úshin 1000-nan astam jańa jumys orny ashyldy.

Pandemııa kezinde aımaqtaǵy PTR synamasy qýatyn arttyra otyryp, qajetti medısınalyq quraljabdyqtardy satyp alýǵa jáne medısınalyq mekemelerdiń qurylysyn qarjylandyrýǵa 10,7 mln AQSh dollaryn (4,5 mlrd AQShteńge) bóldi. Kásiporyn óziniń merdiger uıymdarynyń kómegimen Qulsary qalasyndaǵy 200 oryndyq kópsalaly medısınalyq keshen qurylysyn qarjylandyrýda.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar