Qazaqstan • 24 Aqpan, 2021

Qazaqstannyń avıasııalyq ákimshiligi sanıtarııalyq avıasııanyń damýyna qoldaý kórsetedi

7 ret kórsetildi

Qazaqstannyń avıasııalyq ákimshiliginiń ókilderi Qazaqstannyń medısınalyq avıasııa salasyndaǵy jeke memlekettik operatory Ulttyq shuǵyl medısınany úılestirý ortalyǵynyń qyzmetimen tanysty. Ortalyqtyń jumysy Qazaqstan halqy úshin áýe kóligin paıdalana otyryp, shuǵyl medısınalyq kómektiń sapasy men qoljetimdiligin jaqsartýǵa baǵyttalǵan, dep habarlaıdy Egemen.kz.

Sanıtarııalyq avıasııanyń mindeti pasıentke shuǵyl medısınalyq kómek kórsetý, bilikti mamandy mejeli jerge jetkizý nemese naýqasty tıisti medısınalyq uıymǵa tasymaldaý bolyp tabylady.

Búgingi tańda shaǵyn avıasııanyń toǵyz otandyq áýe kompanııasy sanıtarlyq avıasııa qyzmetin kórsetip, 36 áýe kemesin usynady. Ártúrli ushý-tehnıkalyq sıpattamalary bar áýe kemelerin medısınalyq avıasııa jelisinde qoldaný áýeaılaq ınfraqurylymynyń jaǵdaıyn, geografııalyq jáne klımattyq jaǵdaılardy eskere otyryp, shalǵaı eldi mekenderdi qamtýdy qamtamasyz etedi jáne óńirlerde, oblys ortalyqtary arasynda, sheteldik ushýlar kezinde bólinetin qarjy resýrstarynyń jetkilikti tıimdi jumsalýyn qamtamasyz etedi, bul rette medısınalyq avıasııa jelisiniń reısteri yqtımal sıpatqa ıe.

Ulttyq shuǵyl medısınany úılestirý ortalyǵy kelisimshart negizde mamandandyrylǵan jáne arnaıy daıyndalǵan áýe kemelerin qyzmetke tartady. 2020 jyly Ortalyq bazasynda 2185 reıs jasaldy, 2602 pasıentke medısınalyq kómek kórsetildi, jalpy ushý ýaqyty 8 405 saǵatty qurady. Ortalyq qyzmetke An-2, An-24, Iаk-40 sııaqty shaǵyn avıasııanyń áýe kemelerin jáne ES-145 úlgisindegi mamandandyrylǵan tikushaqtardy tartady. 

Kezdesý barysynda áýe parkin jańartý, avıasııalyq tehnıkany jetildirý, áýe kemelerinde medısınalyq modýlderdi paıdalaný múmkindikterin keńeıtý, ushý kezinde áýe kemelerin baqylaýdyń bolmaýy, sondaı-aq avıasııalyq oqıǵalardy taldaý boıynsha aqparattyń jetispeýshiligi boıynsha problemalyq máseleler qaraldy.

Sońǵy tórt jylda medısınalyq avıasııa jelisi boıynsha avıasııalyq qyzmetke baılanysty 20 avıasııalyq oqıǵa tirkeldi, onyń bireýi adamdar ólimi bolǵan áýe apaty, 2 – tótenshe oqıǵa, 9 – avarııalyq qoný, 5 – tehnıkalyq aqaýlarǵa baılanysty áýe kemeleriniń keri qaıtýy, 3 - áýe kemesiniń bortyndaǵy qolaısyz jaǵdaılarmen baılanysty.

Qazaqstannyń avıasııalyq ákimshiligi medısınalyq avıasııa jelisi boıynsha óńirlik jáne aımaqaralyq ushýlardy qamtamasyz etý úshin qazirgi zamanǵy áýe kemelerin paıdalaný múmkindigin baǵalaý, qyzmet etý merziminiń belgili bir mólsheri bar áýe kemelerin paıdalanýǵa shekteýlerdi qoıý, sondaı-aq jergilikti áýe jelileri júıesinde áýeaılaq jelisin keńeıtý perspektıvalary boıynsha jumysty jalǵastyrady.

Kezdesý qorytyndysy boıynsha taraptar yntymaqtastyq ornatý jáne ushý qaýipsizdigi men avıasııalyq qyzmetterdiń sapasyn arttyrý máselelerinde áýe kompanııalardy baqylaýdy jaqsartý úshin birlesken jumysty kúsheıtý qajettigi týraly ýaǵdalasty. Jaqyn arada Qazaqstannyń avıasııalyq ákimshiligi men Ulttyq shuǵyl medısınany úılestirý ortalyǵy arasynda yntymaqtastyq týraly Memorandýmǵa qol qoıylady.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar