– Búgingi ashylyp jatqan ortalyqtyń paıdasy zor bolmaq. Stýdentter belsendi, osy parsat jolymen alǵa júrip, bıik belesterdi baǵyndyra bersin. El damýy jolynda ary qaraı birlese jumys isteı bereıik, – dedi sybaılas jemqorlyqqa qarsy is-qımyl agenttiginiń ShQO boıynsha departament basshysy Erlan Jalmaǵambetov.
Rýhanııat oshaǵy sanalatyn kitaphanada ótken ıgi sharada biregeı jańa jobanyń maqsaty men mindeti ortaǵa salynyp, ortalyqtyń aldaǵy jumys jospary tanystyryldy.
«Parasat joly» ortalyǵynda jas oqyrmandar adaldyqty, ádildikti, parasattylyqty dáripteıtin Abaı, Shákárim syndy uly tulǵalardyń týyndylarymen tanysa alady. Sonymen qatar, parasattylyq strategııasy jazylǵan kitapshalar, sybaılas jemqorlyqty joıýǵa baǵyttalǵan mańyzdy qujattar jınaqtalǵan.
Is-shara sońynda jas býyn, orta býyn jáne aǵa býyn ókilderi qatysqan kórinis usynylyp, parasat formýlasyn shyǵarý joly kórsetildi.
