Qazaqstan • 25 Aqpan, 2021

Joǵymyzdy izdeıtin janashyrlarymyz bar

12 ret kórsetildi

Elbasy Nursultan Nazarbaev el ekonomıkasynyń jetekshi salasy – aýyl sharýashylyǵyn kóterýge, sonyń ishinde ata kásibimiz mal ósirýge árdaıym erekshe nazar aýdarǵandyqtan, elde tórt túliktiń barlyq túri kóbeıdi. Memleket qoldaýynyń arqasynda aýyldarda sharýashylyq quryp, mal ustap otyrǵandar kóp. Ondaılar qala aınalasynda da az emes.

Men de osyndaı talappen jylqy baǵyp, bolashaqta kásip aıasyn keńeıtýdi qalaǵandardyń birimin. Biraq qoraǵa mal bit­kennen bastap, ony saqtaý, kó­beı­týge kedergi de kezdese bere­tini bar. Túzdiń taǵysy men adam­nyń urysyna aldyrmaımyn dep alańdaýmen júrý mal baqqan­dardyń bárine tanys ahýal shyǵar.

Memleket basshysy Qasym-Jomart Toqaevtyń tapsyrmasymen aq-adal maldy qoldy qylǵandarǵa zań júzinde jaza kúsheıtilse de, janyn qına­maı nan tapqysy kelgender áli de tabylady. Árıne, qoǵamnyń qaýipsizdigin baqylaý men ur­lyq­ty tyıý, aldyn alý – polıseıler­diń mindeti. Biraq turǵyndar da sol jaǵdaıdy boldyrmaýdyń amalyn jasaýy tıis. Mysaly, urlyqtyń kóbi óriste bolady. Naǵyz «Aıdap saldan az óldi, kóre kelden kóp óldiniń» keri. Qaraýsyz malǵa qarý kezeıtinder jaıly da estip júrmiz. Erkinsigen urylardyń ońaı tapqan oljasyn óriste soıyp alǵan kezi de kóp.

Tipti qoradaǵy maldy jetektep ketetin «jankeshtiler» de kezdesip qalady. Mysaly, byltyr jazda Syrdarııa aýdanynda sondaı bir oqıǵanyń bolǵanyn estidik. Tez arada iske kirisken polıseıler uryny jedel anyqtap, aryzdanýshyǵa malyn qaıtaryp bergenin bilgende  kóńilimiz ornyna tústi. «Mal ashýy – jan ashýy» degen bar, sýyq qoldylardyń taırańyn tyıǵan polıseılerge rızamyz.

Sońǵy jyldary polıseıler men aýyl ákimdikteriniń birlesip jasaǵan jumystary arqasynda padany uıymdastyrý bir jolǵa qoıyldy. Maldy kezekpen baǵýǵa mán berile bastady. Osynyń nátıjesinde byltyr mal urlaý deregi edáýir azaıypty.

Aımaqta ótken jyly 282 mal urlyǵy deregi tirkelip, 20 qylmystyq top quryqtalǵan. Júzden astam adamǵa zań aıasynda shara kórilgen. Al jyl basynan beri 26 mal qoldy bolypty.

Osy jyldyń 11 aqpany kúni jaıylymda júrgen 72 jylqym joǵalyp, qalalyq polısııa basqarmasyna habarlastym. Mundaıda óziń izdep ýaqyt ozdyrmaǵan jón.

Atalǵan habarlama boıynsha qalalyq polısııa basqarmasyna qarasty Aqsaı bólimshesiniń jeke quramy jumyldyrylyp, tıisti baǵyt-baǵdarmen polıseıler barlyq eldi mekendegi sharýa qojalyqtaryn, jaıylymdyq jerlerdi aralady.

Olardyń shuǵyl qyzmetine kóńilim tolyp tursa da, beınet­tenip baǵyp otyrǵan malymnyń taby­laryna asa senbeı alańdaı bergenimdi jasyrmaımyn. Biraq kóp keshikpeı ýchaskelik polısııa ınspektorlarynyń tynymsyz eńbeginiń arqasynda joǵym tabylyp, kóńilim ornyna tústi. 

Quqyq qorǵaýshylardyń tur­ǵyndarǵa únemi maldaryn ba­qy­laýdy kúsheıtýdi eskertip, aza­mat­tardy qyraǵylyq tanytýǵa, ja­ıy­lymdarda maldy qaraýsyz qal­­dyrmaýǵa shaqyrýynyń sebep­siz emes ekenin osydan keıin uǵy­na tústim. Malyńyz qoldy bol­sa nemese sondaı qylmystyń kýási bol­sańyz, dereý polısııa qyz­met­kerlerine habar bergenińiz jón.

Qylmystyń aldyn alý men bol­dyrmaý, turǵyndardyń ta­lap-tilegin oryndaý jolynda quqyq qorǵaýshylar árdaıym qy­raǵy qyzmet etip keledi. Adal eńbe­gimen el kóńilinen shyqqan olarǵa degen turǵyndar alǵysy erekshe.

Jalpy, polısııa – qoǵamdyq tártip­tiń saqshysy, el qorǵany. Basy­na qıyndyq túsken jurt, eń aldymen, quqyq qorǵaý­shy­lar­dyń kómegine súıenedi.

Quqyq qorǵaýshylardyń jedel qyzmetine, ózi isin jete meńgergen sheberlikterine, halyqtyń aryz-shaǵymyna jaýapkershilikpen qaraıtyn qasıetine rızamyn.

 

Ibadýlla MUSTAFAEV,

Qyzylorda qalasynyń turǵyny

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar