Ekonomıka • 25 Aqpan, 2021

2021 jyly kólik satylymy byltyrdan da asyp túse me?

32 ret kórsetildi

2020 jyly Qazaqstan kólik satý jáne satyp alý boıynsha ósimge ıe bolǵandyǵy belgili. Qyzmetkerlerdiń onlaın jumysqa kóshýi, ınternet-saýdanyń artyqshylyqqa ıe bolýy da kólik satylymyna kedergi bola alǵan joq. Jyldyń artyq-kemin baǵalaý maqsatynda Qazaqstan avtobıznes qaýymdastyǵy resmı dılerler arasynda saýalnama júrgizgen, dep habarlaıdy Egemen.kz.

Saýalnamaǵa qatysýshylardyń 50 paıyzy teńge kýrsynyń qubylýy naryqqa keri áser etkenin aıtsa, 36 paıyzy aıtarlyqtaı áseri bolmaǵandyǵyn aıtady. Qatysýshylardyń 57 paıyzy Qazaqstannyń EAEO aıasynda bolýyn yńǵaıly dep baǵalasa, 36 paıyzy armenııalyq kólikterdi esepke qoıýdyń keri áser bergenin aıtqan. Sondaı-aq 42 paıyz dılerler 2020 jyly satylym josparly kórsetkishten asyp túskenin málim etken.

Respondentterdiń 93 paıyzy 2020 jyly jańa avtomobılder baǵasynyń ózgergenin atap ótti. Olardyń 79 paıyzy bul faktordyń satylymǵa keri áseri boldy deıdi. Soǵan qaramastan baǵa aıtarlyqtaı kóterilmegen. Eger 2018 jyldyń sońynda baǵalar ortasha alǵanda 11 paıyzǵa joǵarylasa, 2019 jyldyń sońynda 6,3 paıyzǵa, 2020 jyldyń sońynda jekelegen brendter men modelder úshin 5-7 paıyzǵa kóterildi.

Dılerler 2021 jyly satylym byltyrdan da joǵary bolady dep boljaıdy. 50 paıyzy byltyrǵydan 5-10 paıyzǵa joǵary deńgeıde kólik satýdy josparlasa, 14 paıyzy 10-20 paıyzǵa, 21 paıyz dıler 20-30 paıyzǵa artyq satylym jasaýǵa nıetti.

Qazaqstan avtobıznes qaýymdastyǵynyń málimetinshe, 2020 jyly jańa avtomobılder satylymy 93 371 birlikke jetken. Elimizde byltyr 75 235 jeńil avtokólik, júk jáne jolaýshylar avtotransporttary qurastyrylǵan. Bul 2019 jylmen salystyrǵanda 52 paıyzǵa joǵary.

«Naryq pen salanyń damý perspektıvasyna analız jasaı otyra bıyl naryqtaǵy jergilikti avtomobılder úlesiniń ósý tendensııasy jalǵasady. О́z kezeginde avtoóndiris salasy óndiris qýattylyǵyn arttyryp, shyǵarylǵan ónimdi lokalızasııalaý jáne eksporttaýdy ulǵaıtpaq. 2021 jyly qaýymdastyq 100-120 myń jeńil jáne kommersııalyq avtokólikter satylymy bolady dep boljaıdy» delingen qaýymdastyq habarlamasynda.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar