Investorlar Qazaqstannyń ulttyq parkterinde ekotýrızmdi damytýǵa nıetti

Ekologııa • 25 Aqpan, 2021

Investorlar Qazaqstannyń ulttyq parkterinde ekotýrızmdi damytýǵa nıetti

Kelesi aptada áleýetti ınvestorlardan jekelegen ulttyq parkter ýchaskelerin uzaq merzimdi paıdalanýǵa ruqsat alýǵa jáne olarda týrıstik jáne rekreasııalyq maqsattaǵy obektiler salýǵa arnalǵan tenderlerge qatysýǵa ótinimder berý merzimi aıaqtalady, dep habarlaıdy Egemen.kz.

Marzhan Tileubekova

Bul baǵdarlamaǵa "Altyn emel", "Kólsaı kólderi" jáne "Sharyn" memlekettik ulttyq tabıǵı parkteri qatysady. Búgingi tańda tenderlerge qatysýǵa 7 áleýetti ınvestor ótinim berdi.

Qazaqstannyń erekshe qorǵalatyn tabıǵı aýmaqtarynda týrızmniń damýyn tejeıtin negizgi faktorlar týrıstik jáne rekreasııalyq qyzmetti damytý jónindegi is-sharalardy qarjylandyrýdyń jetkiliksizdigi, týrızm obektilerine ınfraqurylymnyń álsizdigi, týrızm obektileriniń maýsymdylyǵy, bilikti personaldyń bolmaýy bolyp tabylady.

Osy saladaǵy kórsetilgen jáne basqa da birqatar problemalardy sheshý maqsatynda 2019 jyly Qazaqstan Respýblıkasynda týrıstik salany damytýdyń 2019-2025 jyldarǵa arnalǵan memlekettik baǵdarlamasy qabyldandy. Bul rette memlekettik baǵdarlamany iske asyrýdyń bastapqy kezeńindegi memlekettiń belsendi róli sala sýbektilerin odan ári damytý jáne básekege qabilettiligin arttyrý úshin qajetti qoldaýdy qamtamasyz etýge tıis.

Memlekettik baǵdarlamanyń basym baǵyttarynyń biri Almaty óńiriniń taý klasteri bolyp tabylady. Onyń quramyna 4 ulttyq parktiń ("Altyn Emel", "Sharyn", "Kólsaı kólderi" jáne "Ile Alataýy") aýmaqtary engizilgen. Klasterdiń áleýeti jylyna 2,5 mln. týrıst qabyldaýǵa jetedi (aǵymdaǵy aǵyn - 500 myń).

Atalǵan ulttyq parkter úshin QR Ekologııa, geologııa jáne tabıǵı resýrstar mınıstrligi Ekologııalyq týrızmdi damytý tujyrymdamasynyń ázirledi. Onda damyǵan shet elderdiń tájirıbesi eskerildi.

Sonymen qatar, qabyldanatyn sheshimderdiń ashyqtyǵyn qamtamasyz etý úshin ulttyq parkterde Qoǵamdyq keńester quryldy.

Ile-Alataý MUTP aýmaǵynda ınvestorǵa ýchaskeler berýden alǵashqy oń nátıjeler bar ekenin atap ótý qajet. Osy joba aıasynda vızıt-ortalyq salynyp, ózen arqyly ótetin kópir men Aıýsaı shatqalynyń aınalma joldary jabdyqtaldy, qatty-turmystyq qaldyqtardy bólek jınaýdy engizý boıynsha jumystar júrgizildi.

Joǵaryda kórsetilgen tenderlerdiń sharttaryna sáıkes, áleýetti ınvestorlar ulttyq parkterde vızıt-ortalyqtar salýy tıis. Týrızmdi damytý boıynsha nysandar qatarynda eko-otel, glempıng, kempıng, "qazaq aýyly" jáne t. b. bar.

О́z tarapynan týrıstik jáne rekreasııalyq qyzmetti júzege asyratyn ınvestorlardy tartý úshin Ekologııa mınıstrligi jergilikti atqarýshy organdarmen birlesip ulttyq parkterde ınfraqurylym obektilerin (EBJ, joldar, kópirler jáne t.b.) salý josparlaýda. Bul jumys Almaty taý klasteriniń 4 ulttyq tabıǵı parkinde bastaldy.

Sondaı-aq, qalǵan 8 ulttyq parkte ekotýrızmdi damytý tujyrymdamasyn ázirleý jáne bekitý, onda ekotýrızmdi damytý jónindegi qoǵamdyq keńester qurý jónindegi jumys jalǵastyrylatyn bolady.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz