«О́ńirde jastardy qoldaýdyń 2021-2025 jyldarǵa arnalǵan keshendi jospary júzege asyryla bastady. Josparǵa engizilgen kóp mindettiń biri – jas otbasylardy baspanamen qamtý tetikterin ońtaılandyrý bolyp tabylady», - dedi oblystyq jastar saıasaty basqarmasy basshysynyń m.a. Saıat Shaımurynov.
Atalǵan basqarma, sonymen qatar, «Jastar úshin qoljetimdi baspana» baǵdarlamasyn da ázirlep qoıypty. Bul baǵdarlama boıynsha jastar men jas otbasylarǵa baspana satyp alý úshin kómek retinde mólsheri 3 mln teńgege deıin turǵyn úı sertıfıkattary berilmek. Qarjy túrindegi áleýmettik kómek jas otbasylardyń «Otbasy banktegi» depozıtterine bastapqy jarna retinde salynady. Búginde Qostanaı oblysynda 6 462 jas turǵyn úı kezeginde tur. Olar baspana sertıfıkatyna jas erli-zaıyptylardyń neshe jyl birge turyp jatqanyn, balalarynyń sanyn anyqtaý arqyly baǵalanatyn konkýrs arqyly ǵana qol jetkize alady. Bul konkýrstyń qalaı ótetini qazirshe belgisiz. Jastar saıasaty basqarmasynyń basshysy baǵdarlamany iske qosý úshin zańnamalyq aktilerge birqatar ózgerister engizý kerektigin aıtty. Qazir basqarma osy baǵytta jumys istep jatyr.
«Túzetýler engizile salysymen, biz birden jastardyń ótinishin qabyldaýdy bastaımyz», - dedi S.Shamurynov.
