Ekonomıka • 25 Aqpan, 2021

Birjolǵy zeınetaqy tólemi paıdalanylmasa ne bolady?

40 ret kórsetildi

2021 jyldyń 1 aqpanynan bastap BJZQ ýákiletti operator bolyp belgilengen bankterde ashylǵan salymshylardyń arnaıy shottaryna birjolǵy zeınetaqy tólemderin aýdara bastady, dep jazady  Egemen.kz

Birjolǵy zeınetaqy tólemi ýákiletti operator – «Otbasy bank» turǵyn úı qurylys jınaq banki» AQ-daǵy arnaıy shotqa túskennen keıin alýshy 45 jumys kúni ishinde (Birjolǵy zeınetaqy tólemderin turǵyn úı jaǵdaılaryn jaqsartý úshin Qazaqstan Respýblıkasynyń zańnamasyna sáıkes paıdalaný qaǵıdalarynyń 13-tarmaǵyna sáıkes) ýákiletti operatorǵa birjolǵy zeınetaqy tólemderiniń nysanaly maqsatyn rastaıtyn qujattardy usynady. 

Ýákiletti operatorǵa rastaýshy qujattardy belgilengen merzimde usynbaǵan jaǵdaıda, bul qarajat salymshynyń BJZQ-daǵy zeınetaqy shotyna qaıtarylýy tıis. 

Salymshy suratqan zeınetaqy jınaqtarynyń somasyn BJZQ ýákiletti operatordaǵy arnaıy shotqa aýdarǵannan keıin 45 jumys kúni ishinde bul qarajattyń ınvestısııalyq basqarýdan alynatynyna,  demek, oǵan ınvestısııalyq tabystyń eseptelmeıtinine nazar aýdarǵymyz keledi.

BJZQ-ǵy zeınetaqy aktıvteriniń 2020 jylǵy jyldyq tabystylyǵy 10,92%  qurady. Eger osy derekterdi negizge alsaq, máselen, 45 jumys kúni ishinde maqsaty boıynsha paıdalanylmaǵan birjolǵy zeınetaqy tóleminiń  5,5 mln teńge mólsherindegi ortasha somasyn ýákiletti operatordaǵy arnaıy shottan BJZQ-ǵa aýdarǵannan keıin osy kezeńdegi salymshy tolyq almaǵan ınvestısııalyq tabys mólsheri shamamen 100 myń teńgeni quraýy múmkin.

Budan basqa, arnaıy shotqa aýdarylǵan zeınetaqy jınaqtaryna ınflıasııa deńgeıin eskere otyryp, olardyń saqtalýy boıynsha memlekettiń zańda kózdelgen kepildigi qoldanylmaıdy. Sondaı-aq, BJZQ-dan tólenetin birjolǵy zeınetaqy tólemderiniń somalarynan salymshy tańdaǵan jáne onyń ótinishinde kórsetilgen tásilge sáıkes jeke tabys salyǵyn (JTS) esepteý jáne ustap qalý júrgiziledi.

Osyǵan oraı, BJZQ-ǵa qarajatty qaıtarý, ınvestısııalyq tabys pen memleket kepildigin joǵaltý, sondaı-aq, JTS-ty merziminen buryn esepteý jaǵdaılaryn boldyrmaý úshin salymshylarǵa birjolǵy zeınetaqy tólemderin paıdalanýdy jaýapkershilikpen ári muqııat josparlaýdy usynamyz. Zeınetaqy jınaqtarynyń maqsatty paıdalanylýyn rastaý úshin qajetti qujattardyń tizimin ótinim bergenge deıin muqııat zerdelep, olardy ýákiletti operatorǵa ýaqytyly usynýdy qamtamasyz etken jón.

Sońǵy jańalyqtar

Asyl aǵanyń sharapaty

Rýhanııat • Búgin, 00:08

Barlyq saladaǵy kórsetkishter saralandy

Aımaqtar • Búgin, 00:02

Quımaqulaq

Rýhanııat • Keshe

Qoǵamnyń biteý jarasy

Qoǵam • Keshe

Gaz baǵasy nege qymbat?

Aımaqtar • Keshe

Erbosynulyn aýyr synaq kútip tur

Kásipqoı boks • Keshe

Uqsas jańalyqtar