О́ner • 25 Aqpan, 2021

Balalar kórkemsýret mektebi oqytýshylarynyń «Shyǵarmashylyq: qabilet, áýestik» kórmesi ashyldy

27 ret kórsetildi

Búgin Qazaqstan Respýblıkasynyń Tuńǵysh Prezıdenti – Elbasy kitaphanasy mýzeıinde «Týǵan ólkem» balalar shyǵarmashylyǵyn qoldaý boıynsha respýblıkalyq baǵdarlamasy aıasynda uıymdastyrylǵan Nur-Sultan qalasynyń Balalar kórkemsýret mektebi IýNESKO klýby oqytýshylarynyń týyndylarynan quralǵan «Shyǵarmashylyq: qabilet, áýestik»  kórmesiniń ashylýy ótti, dep habarlaıdy Egemen.kz

Is-sharany Elbasy kitaphanasynyń Mýzeı qundylyqtaryn esepke alý jáne saqtaý qyzmetiniń basshysy Kúláısha Aqtaeva ashyp, mektep oqýshylarynyń respýblıkalyq jáne halyqaralyq baıqaýlardaǵy jetistigi BKM IýNESKO klýbynyń daryndy pedagogter komandasynyń, onyń ishinde QR Sýretshiler odaǵy men Halyqaralyq sýretshiler odaǵynyń músheleriniń kópjyldyq qajyrly eńbeginiń nátıjesi ekenin atap ótti.

19

«Jahandaný jaǵdaıynda biz sanamyzdyń negizin joǵaltpaý úshin kim ekenimizdi, rýhanı tamyrymyz ben turmysymyzdyń quramdas bólikteri qandaı ekenin túsinýimiz kerek. Bir tańdanatyny, pandemııa jaǵdaıynda áleýmettik qashyqtyqty saqtaı otyryp, biz bir-birimizge jaqyn bolý qajettiligin sezinemiz. Adamdar qarym-qatynasty ańsaıdy, ózderiniń jańa qyrlarynyń ashylýyn kútedi. «Týǵan ólkem» baǵdarlamasy úıden tys jerde qalyptasatyn ortaǵa baǵyttalǵan. Bul óte mańyzdy, óıtkeni otbasynda bala óziniń jeke tulǵa retinde qalyptasýyn tek bilim men paıdaly daǵdylarmen toltyra almaıdy. Sondyqtan pedagog-sýretshiler – erekshe sańlaqtar», dep atap ótti K.Aqtaeva.

Kórmede Tabıǵat Qujanbaev, Nurbolat Asqar, Gúlbaram Asqarova, Aızada Amanjolova, Gúlfara Týkına, Aınagúl Týǵanbekova, Sáýle Jandýllaeva, Oljas Bekenov, Bınazır Jumabekova, Dana Qamalova syndy sýretshi-oqytýshylardyń shyǵarmashylyq izdenisteriniń nátıjesinde túrli janrlar men baǵyttardy qamtyǵan 60-tan astam týyndy usynyldy. Avtorlar óz eńbekterinde qorshaǵan álemge degen óz kózqarastaryn kórsetip, otbasyna, elge, óz halqynyń mádenıetine degen mahabbatyn sýretteı bilgen.

64

«Sýretshi – barlyq ádemilikti kóre biletin ári ony jetkize alatyn adam. Álemniń kórkem beınesin, atmosferasyn saqtaý óte mańyzdy. Qazirgi tehnologııalar men tehnıkalar adamdar arasyndaǵy qarym-qatynasqa kedergi keltirip jatqandyqtan, ózimizdi tanyp-bilýge, jan-jaǵymyzdy baǵalaýǵa, qorshaǵan ortamyzdy aıalaýǵa jasalyp jatqan keremet dúnıe. Bul basqosý osy kórmeniń mańyzdy mindetteriniń biri dep oılaımyn», – dep oı bólisti Balalar kórkemsýret mektebiniń muǵalimi, sýretshi Nurbolat Asqar. 

Is-shara sońynda Elbasy kitaphanasynyń atynan ustazdardy Beıneleý ónerindegi joǵary kásibı biliktiligi jáne balalar shyǵarmashylyǵyn damytýǵa qosqan eleýli úlesi úshin arnaıy sertıfıkatymen marapattaý rásimi ótti.

Kórme qonaqtary sýretshiniń ımprovızasııalanǵan sheberhanasynda shyǵarmashylyq atmosferany sezindi. Sheberlik-synyp barysynda tájirıbeli tálimgerdiń jetekshiligimen árkim óz kórkem týyndysyn jasady.

Nur-Sultan qalasyndaǵy Balalar kórkemsýret mektebi IýNESKO klýby Elbasy kitaphanasynyń baıyrǵy seriktesi retinde 2005 jyldan beri kóptegen kórmeler, festıvalder, sheberlik-synyptar, shyǵarmashylyq kezdesýler jáne basqa da is-sharalar ótkizip keledi. Yntymaqtastyqtyń basty nátıjeleriniń biri mýzeı ǵımaratyndaǵy (Nur-Sultan qalasyndaǵy BKM IýNESKO klýbynyń fılıaly) balalar beıneleý stýdııasynyń jumysy bolyp tabylady.

«Shyǵarmashylyq: qabilet, áýestik»  kórmesi Qazaqstan Respýblıkasynyń Tuńǵysh Prezıdenti – Elbasy kitaphanasy mýzeıinde (Beıbitshilik k-si, 11) osy jyldyń 31 naýryzyna deıin jalǵasady.

Sońǵy jańalyqtar

Almatyda qar kóshkini bolýy múmkin

Aımaqtar • Búgin, 17:22

Elordada dámhanadan órt shyqty

Elorda • Búgin, 16:21

Aldaǵy apta kún jylynady

Aýa raıy • Búgin, 12:57

Kósh basynda – «Manchester Sıtı»

Fýtbol • Búgin, 12:21

Súıispenshilik sabaǵy

Aımaqtar • Búgin, 12:15

Almatyda aıaldamadan náreste tabyldy

Qoǵam • Búgin, 11:34

It asyraýdyń da óz erejesi bar

Qoǵam • Búgin, 11:00

Elordada kún jylyna bastaıdy

Aımaqtar • Búgin, 10:57

Túrmege kitap syılady

Aımaqtar • Búgin, 10:10

Jetisý dıqandary jer ıgerip jatyr

Aımaqtar • Búgin, 10:07

Qostanaıda aýa sapasy nasharlaıdy

Aýa raıy • Búgin, 09:05

Jaqsynyń aty ólmeıdi...

Rýhanııat • Búgin, 08:31

Otandyq vaksınany qoldaný josparda bar

Medısına • Búgin, 08:20

Teńdik túbi – birlik

Elbasy • Búgin, 08:03

Aıaq kıimdi sıfrly tańbalaý engiziledi

Tehnologııa • Búgin, 07:49

Jeke kýáliktiń qajeti bolmaıdy

Saıasat • Búgin, 07:47

Kólik quralynyń elektrondy pasporty

Tehnologııa • Búgin, 07:45

Taldynyń mańyn tazartty

Rýhanııat • Búgin, 07:38

Uqsas jańalyqtar