Jambyl oblystyq prokýratýrasy júrgizgen tekserýlerdiń nátıjesinde ústimizdegi jyly ekonomıkalyq kontrabandaǵa qatysty 52 qylmystyq is qozǵalyp, búgingi kúnge deıin onyń 26-sy sotqa joldanǵan. Onyń ishinde «12 júk kóligi» týraly aty-shýly qylmystyq is bar. Oblys prokýratýrasynyń arnaıy prokýrorynyń jetekshiligindegi tergeý toby aıaqtaǵan bul iske keden qyzmetkerleri Djýlsaıtov (Jolseıtov bolýy da múmkin) pen Kópbaev «krysha» bolǵan. Túsinikti tilmen aıtsaq, kedendegi osy qyzmetkerler qylmystyq iske tikeleı kómektesken. Sondaı-aq, «on eki múshesi» túp-túgel 12 júk kóligin «qosalqy bólshek» (zapchast) retinde jalǵan rásimdep, kontrabandanyń tyń aıla-sharǵysyn oılap tapqan A.Nadyrov pen I.Krasman degenniń de «eńbegin» joqqa shyǵarýǵa bolmaıdy. Sóıtip, olar osy qylmystary arqyly memleketke 96 842 745 teńge zalal keltirgen. Arnaıy prokýrordyń der kezinde shara qoldanýynyń nátıjesinde, onyń ishinde múlikke toqtam salý arqyly, qazir bul shyǵynnyń orny qaıta toltyrylýda. О́ıtkeni, Qordaı aýdandyq sotynyń úkimimen A.Nadyrov, I.Krasman jáne «Qordaı» keden beketiniń qyzmetkerleri Djýlsaıtov, Kópbaev pen Ahmetov tıisti jazalaryn alyp, «ekonomıkalyq kontrabanda» dep tanylǵan 96 842 745 teńgege baǵalanǵan múlikti memleket paıdasyna óndirý týraly sheshim qabyldady.
Jambyl oblystyq prokýratýrasy júrgizgen tekserýlerdiń nátıjesinde ústimizdegi jyly ekonomıkalyq kontrabandaǵa qatysty 52 qylmystyq is qozǵalyp, búgingi kúnge deıin onyń 26-sy sotqa joldanǵan. Onyń ishinde «12 júk kóligi» týraly aty-shýly qylmystyq is bar. Oblys prokýratýrasynyń arnaıy prokýrorynyń jetekshiligindegi tergeý toby aıaqtaǵan bul iske keden qyzmetkerleri Djýlsaıtov (Jolseıtov bolýy da múmkin) pen Kópbaev «krysha» bolǵan. Túsinikti tilmen aıtsaq, kedendegi osy qyzmetkerler qylmystyq iske tikeleı kómektesken. Sondaı-aq, «on eki múshesi» túp-túgel 12 júk kóligin «qosalqy bólshek» (zapchast) retinde jalǵan rásimdep, kontrabandanyń tyń aıla-sharǵysyn oılap tapqan A.Nadyrov pen I.Krasman degenniń de «eńbegin» joqqa shyǵarýǵa bolmaıdy. Sóıtip, olar osy qylmystary arqyly memleketke 96 842 745 teńge zalal keltirgen. Arnaıy prokýrordyń der kezinde shara qoldanýynyń nátıjesinde, onyń ishinde múlikke toqtam salý arqyly, qazir bul shyǵynnyń orny qaıta toltyrylýda. О́ıtkeni, Qordaı aýdandyq sotynyń úkimimen A.Nadyrov, I.Krasman jáne «Qordaı» keden beketiniń qyzmetkerleri Djýlsaıtov, Kópbaev pen Ahmetov tıisti jazalaryn alyp, «ekonomıkalyq kontrabanda» dep tanylǵan 96 842 745 teńgege baǵalanǵan múlikti memleket paıdasyna óndirý týraly sheshim qabyldady.
Mysaly, osy tektes qylmys jasaǵany úshin oblystyq IID-niń jol polısııasy basqarmasynyń aǵa avtoınspektory S.Saǵyntaevtyń jymysqy áreketteri oblystyq prokýratýranyń tekserýi barysynda áshkere bolǵan. Sonda bul aǵa ınspektor qandaı qylmys jasaǵan? Ol «TOYOTA LAND CRUISER-200» jáne «TOYOTA LAND CRUISER PRADO» avtokólikterin Keden odaǵyna kiretin Belarýs Respýblıkasynan ákelingen degen jalǵan qujattar qoldaný arqyly rásimdegen. Sonyń saldarynan 8 874 983 teńge qarjyny quraıtyn kedendik tólemder memleket paıdasyna emes, qylmystyq jolmen baıyǵysy kelgenderdiń qaltasynda qalǵan. «Osy «qyzmeti» úshin aǵa avtoınspektor qansha aldy?» degen suraqtyń oıǵa oralýy da zańdy. Al sol Saǵyntaev Taraz qalasynyń №2 sotynyń úkimimen, sizge ótirik, bizge shyn, «salaqtyq jibergeni úshin» degen jazamen sottalypty. Túımedeı zat emes, túıedeı avtokólikti rásimdep turyp bilikti kadr qalaı salaqtyq jiberedi? Kúmándi, kúdikti jáne túsiniksiz.
Kósemáli SÁTTIBAIULY,
«Egemen Qazaqstan».
Jambyl oblysy.
