Prezıdent sóılegen sózinde sheteldikterge jáne sheteldik zańdy tulǵalarǵa aýyl sharýashylyǵy jerlerin satýǵa, jalǵa berýge zań júzinde birjola tyıym salýdy tapsyrdy. Sondaı-aq bul tapsyrmany tez arada oryndaýdy aıtty. Bul Keńes músheleri ǵana emes, jalpy dúıim jurttyń kútken sheshimi edi. Sol sebepti de Memleket basshysynyń bul sheshimin tarıhı oqıǵa retinde baǵalaımyn.
Taǵy bir razy bolǵanym, Qasym-Jomart Kemeluly toqtalyp, tapsyrma bergen bes máseleniń beseýi de qarapaıym halyqtyń ómiri men turmysyna qatysty. Mysaly, turǵyn úı jáne ekonomıka saıasatyn jetildirý. Endigi ýaqytta aýyldy jerlerge turǵyn úı salǵan kompanııalardyń jalpy shyǵynynyń jartysyn Úkimet tólep beretin boldy. Aýyl halqynyń qalaǵa aǵylýyn toqtatýǵa, aýyl sharýashylyǵyn damytýǵa óte paıdaly sheshim.
Keńeste múmkindigi shekteýli adamdardyń máseleleri de nazardan tys qalǵan joq. Prezıdent múgedektikti anyqtaý rásimderin túbegeıli jeńildetýdi tapsyrdy. Shyny kerek, Nur Otan partııasyna múgedektik mártebesin alýdyń qıyndyǵy týraly azamattar kóp aryzdanady. Mine, endi bul másele de óz sheshimin tapty. О́z basym Prezıdenttiń búgingi sheshimderi men tapsyrmalaryna qatty rıza boldym.
Aýyt MUQIBEK,
Ulttyq qoǵamdyq senim keńesiniń múshesi, qoǵam qaıratkeri
