Qoǵam • 27 Aqpan, 2021

Azamattyq uıymdar jeke bastyń emes, qoǵam ıgiligi úshin qyzmet etedi - Aıda Balaeva

19 ret kórsetildi

Búgin Aqparat jáne qoǵamdyq damý mınıstri Aıda Balaeva úkimettik emes uıym ókilderimen kezdesti. Is-shara jyl saıyn 27 aqpanda atap ótiletin Dúnıejúzilik úkimettik emes uıymdar kúni aıasynda ótti

Kezdesýge Parlament Májilisiniń depýtattary Erlan Saırov, Vera Kım, QR Prezıdenti janyndaǵy Ulttyq qoǵamdyq senim keńesiniń músheleri Rahym Oshaqbaev, Marat Báshimov, belgili qoǵam qaıratkerleri Aıgúl Soloveva, Baný Nurǵazıeva, Tileýbek Muqashev, Emın Áskerov, Nurgúl Uljekova, Quralaı Túspekova jáne Lıma Dıas qatysty.

Aıda Balaeva óziniń quttyqtaý sózinde qazirgi halyqaralyq ÚEU kúni Qazaqstan Táýelsizdiginiń 30 jyldyǵy aıasynda ótip jatqanyn jáne erekshe mánge ıe ekenin jetkizdi. Ol óz eliniń azamaty bolý – bul úkimettik emes uıym jetekshileri de jan-jaqty túsinetin jaýapkershilik ekenin atap ótti.

«Osynda otyrǵan árbirińiz otar elden azat el bolýymyzǵa ózderińizdiń úlken azamattyq úlesterińizdi qostyńyzdar. Búgin de aıanbaı atsalysyp kelesizder», - dedi mınıstr.

Aıda Balaeva táýelsizdiktiń alǵashqy jyldary úkimettik emes uıymdar Semeı ıadrolyq polıgonyn jabý (Nevada-Semeı), Kishi Araldy qalpyna keltirý (Araldy qutqarý qory), ana men balany qorǵaý («Bóbek» qory) sııaqty jahandyq mindetterdiń bastaýynda turǵanyn eske saldy.

«Jalpy, qoǵamdyq uıym qurýdyń ózi – adamı eriktilikten, azamattyq belsendilikten bastaý alady. Azamattyq uıymdar – jeke bastyń paıdasy úshin emes, memleket múddesi, qoǵamnyń ıgiligi úshin qyzmet etedi.

Memlekettiń barlyq máseleni túgel qamtyp qaraýy múmkin emes. Bul oraıda, osy olqylyqtyń ornyn toltyratyn birden bir kúsh ol árıne – úkimettik emes uıymdar», dedi vedomstvo basshysy.

Sonymen qatar, mınıstr kezdesý halyqaralyq ÚEU kúnin atap ótý úshin ǵana emes, úkimettik emes sektordy damytýdyń mańyzdy máseleleri boıynsha ózekti taqyryptardy talqylaý, tushymdy oı-pikirlerdi ortaǵa salý úshin ótip jatqanyn atap ótti.

Kezdesýge qatysýshylar pikirtalasqa belsendi qatysyp, memleket pen azamattyq qoǵam ınstıtýttarynyń ózara yqpaldastyǵynyń mańyzdylyǵyn atap ótti.

Dúnıejúzilik ÚEU kúni – bul erkindikke, qoǵamdyq daýysqa, adamdardyń qaýipsizdigine, tabıǵatqa, adamzattyń mádenı murasyna, adamzattyń bolashaǵyna qamqorlyq jasaýǵa baǵyttalǵan jahandyq qundylyqtardy, ÚEU umtylysy men nátıjelerin kórsetetin halyqaralyq sımvol.

Sońǵy jańalyqtar

Uqsas jańalyqtar