Qoǵam • 01 Naýryz, 2021

Qıynshylyq bir-birimizdi syılaýdy úıretti

14 ret kórsetildi

Talaı syn saǵattarda qazaq halqy yntymaǵyn buzbaı, syrttan eriksiz kelgen eldiń ózegine teppeı, keń bolýdyń, meıirimdi bolýdyń ozyq úlgisin kórsetti. Qazaq halqynyń toptastyrýshy rólin arqaý ete otyryp, elimizde etnosaralyq kelisimdi qamtamasyz etýde qazaqtyń osy júrek eljireter ónege-úlgisi árdaıym jarqyraı kórinedi.

Men únemi jyrdaı aıtyp júretin, búkil qazaq ultyna basymdy ıgizgen bir jaıt bar.

1944 jyly 8 naýryzda óz halqymen birge, balqar jazba ádebıetiniń negizin qalaýshy, aqyn, aǵartýshy Kıazım Mechıevke de qazaq dámi buıyrypty. Toqsannan asqan aqsaqal, bir jyldan keıin dúnıeden ótip, «Súıegimdi týǵan jerge qoıyńdar» dep amanat etti. Jarty ǵasyr ótken soń, artynda qalǵan urpaǵy esin jıyp, qarııanyń amanatyn oryndaý maqsatynda Almaty oblysy, Qaratal aýdany Qalpe aýylyna keldi. О́li emes, tirilerdiń ómiri túkke turmaı jatqan sol bir bulyńǵyr tusta, «aýyp kelgen halyq» dep molasyn buzbaı, kerisinshe, qolǵa túsken nársemen qorymdy qorshap, ony aıaqasty etpeı qorǵap otyrǵan aýyl tur­ǵyndarynyń qasıetine qatty tebirendim.

Uly qazaqtyń qasıeti sol, barlyq ha­lyqty jamandyqqa qıǵan joq, sodan bolar, kóptegen jurt qıynshylyqta qorǵan bolǵan qazaq jerine alǵysyn jaýdyrady. Bizder, sol aǵa býynnyń keńdiginen, sabyrly parasatynan qunar alyp, tamyrlanǵan urpaqpyz. Qurmetimiz ben adaldyǵymyzdy pash etip, sol urpaqtyń jalǵasy retinde búgingi qazaq ultynyń aınalasynda uıysyp, birge jasap kelemiz.

Biz táýelsizdigimizdi kózimizdiń qarashy­ǵyndaı saqtap, jalǵyz Otanymyz­ben birge órkendep, alǵysty jerimizde tamyrlap birge gúldenýimiz kerek. О́ıtkeni taǵdyrymyz bir halyqpyz.

О́tken  ǵasyrdyń alǵashqy jartysynda qazaqtyń da talaıyna nebir aýyr synaq tústi. Alǵa shyqqan azamattaryn joıyp jiberip, sananyń sáýlesin óshirdi, qasaqana jasalǵan ashtyqtan halyq baýdaı qyryldy, jalpyny shar­py­ǵan soǵys órti taǵy bar... Bir saý­sa­ǵ­y búgýli saıasattyń kesirinen kóp qun­­­dy­lyq ózgeriske tústi. Alaıda mu­nyń bári qazaq degen halyqtyń qutyn qa­shyr­mady, qasıetin joıa almady. Bar­sha­myz­dyń bastan keshirgen  qıyn­shy­ly­ǵy­­myz bizdi biriktirdi. Bir-birimizdi syılap, qurmetteýge úıretti.

Qazirgi tańda barsha qazaqstandyqtar Alǵys aıtý kúni merekesin atap ótýde. Bul – birliktiń, tatýlyqtyń, jańǵyrýdyń merekesi. Qazaqstan halqyn osynaý shapaǵatty merekemen quttyqtaımyn.

 

Lıýdmıla HOChIEVA,

Qazaqstan halqy Assambleıasynyń múshesi, Qarashaı-balqar ulttyq mádenı ortalyǵynyń tóraıymy

 

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar