Elbasy • 01 Naýryz, 2021

Elbasy Alǵys aıtý kúnimen quttyqtady

65 ret kórsetildi

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev Alǵys aıtý kúnimen quttyqtady, dep habarlaıdy Egemen.kz.

Qymbatty otandastar!

Alǵys aıtý kúni Qazaqstan halqynyń birligin pash etedi, meıirimdiliktiń, ózara kómek pen jaqsylyqtyń jarshysy bolyp sanalady.

Kóktemniń alǵashqy kúninde – tirshilik ataýly jandanyp, jer-dúnıe jańaratyn kezeńde atap ótilýi bul merekege erekshe sán beredi.

Búgin biz qazaq halqynyń rýhanı erligi men elimizdegi barlyq etnostardyń basyna túsken aýyr synaqtardy eske alyp qana qoımaı, keleshekke zor senimmen qaraımyz. Qazaqstan qoǵamynyń kelisimi men tatýlyǵy ­– sol jarqyn bolashaqtyń berik irgetasy.

Koronavırýs pandemııasyna toıtarys berý kezinde de bizdiń birligimizdiń mańyzy aıqyn kórindi. Qazaqstandyqtar memleketimizdiń turaqty damýyna qaýip tóndirgen jahandyq synaqqa el bolyp jumyla qarsy turdy.

Táýelsizdiktiń 30 jyldyǵynda órleý men órkendeýge bastaıtyn jol adamgershiliktiń aınymas qaǵıdalaryna, toleranttylyq prınsıpterine, tól tarıhymyzǵa qurmet pen ortaq Otanymyz – Qazaqstan Respýblıkasyna degen súıispenshilikke negizdeletinin taǵy bir márte aıǵaqtap otyrmyz.

Barlyq qazaqstandyqtardy Alǵys aıtý kúnimen shyn júrekten quttyqtaımyn!

Barshańyzǵa mol ıgilik, myqty densaýlyq, tynyshtyq pen baq-bereke tileımin!

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar