1 naýryzdan bastap Nur-Sultanda koronavırýsqa qarsy ekpeni muǵalimder, balabaqsha tárbıeshileri, quqyq qorǵaý organdarynyń qyzmetkerleri alady.
Qalalyq Qoǵamdyq densaýlyq saqtaý basqarmasynyń málimetinshe, bul topqa 15 myńnan astam adam kiredi. Osy sanattaǵy adamdardy vaksınalaý úshin Nur-Sultanda 36 alǵashqy medısınalyq-sanıtarlyq kómek uıymdarynda ekpe egý bólmeleri uıymdastyryldy. Sondaı-aq ekpe saldyrtýǵa vedomstvoaralyq uıymdar da qatysady.
«Muǵalimder men tárbıeshilerge vaksınalaý AMSK uıymdaryna bilim berý uıymy bekitilgen jeri boıynsha jasalady. Vaksına alatyndardyń tizimderi jasaldy, tıisti emhanalarǵa jiberildi», dep atap ótedi basqarmadan.
Aıta keteıik, 1 aqpannan bastap Nur-Sultanda barlyǵy 2 126 adam koronavırýsqa qarsy ekpe aldy. О́tken demalys kúnderi basqarmanyń qoımalaryna 7 myńnan astam vaksınanyń jańa dozasy tústi.
